Nama ko mitcetiwakopon Witiko iriniwokw. Askowiskata ko tepirak pa aicawakopon askik. Aci micta wieckatc nama wamakaniwakopon kaie nama petcikatekopon otatisokaniwaw. Têtes-de-boule icinikatakaniwaokapon e ki itetcik, nekima witiko iriniwok ki ni pitikeckakok mitci awihaca. Epowamici ric aniheriw isparitcik, ki ni micta kackitawok e matawesitcik. Ki tawok witiko iskwew kirika witiko iriniw, nama ric wiskat ki otci nipowiwok. Kecpin e nikickitatowakoponen, arimatc macikotatowakopon anaha tca ka kaniwekoponen mowekopan ka ki onitahatc. Mocak ki cacakarikatewok, e nipinik kaie e piponik kirika tca nama wiskat sikitciwakopon. Makatesirikopan ocakawiwaw. Ciconitisiwakopon cikopia, sesekatikwa mitowi awesisak. Kecpin papaskiowa e arawospon, rekak nta tetipaparitisowakopon, mia asinik e icinakosiwakoponen e ickwa totakik aniheriw. Nama otoniwakopon. Koctasinakosiwakopon aka e takonik otoniwowa. Kecpin tca e rerewakoponen, koweckocimakatanikopon wipitiwawak e otci petakonik. Tekci nokonikopon ko omikwiwow ockicikowowok. Mia tca nte ohomisiw e icinakonikoponen. Micta sa micarikopon ositiwawa, tepirak peikocinikopon omisisitiwawa. Micta koctastakosiwakopon e arimowetcik, kirowe kiciewakopon kaie tca onimiskiwa.
This article uses material from the Wikipedia Atikamekw article Witiko atisokan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Patoc karokitasonaniwon kata natcipatcikatek ohwe mawotosinihikanCC BY-SA 4.0 kekotc nama takatc e itasinatek. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Atikamekw (DUHOCTRUNGQUOC.VN) is an independent company and has no affiliation with Wiki Foundation.