Weckatc, ki micta micikitiw cikakw. Kaskina kotakihi awesisa koctikokopan, nac ki itewakopon awesisak kitci mawotcihitisotcik kitci kipiterimatcik anihe micta cikokwa. Ki petawok kitci makonatcik. Nama kitci kiskeritakosiw kwekahakew e nosonehowatc otatananik ekoni e ici makotiematc. Aci meka nitowerimew kotakihi awesisa e itatc, pe nta witcihicikw. Ekoni e ici kakickipitakaniwiwitc anowe cikakw ekoni e micta mi aiapicicitcik cikakocicak. Ekoni wetci anot apicicitc cikakw. Ka makomatc naha kwekahakew ki micta sonipatiko otactamikok ekoni tekci aka e wapitc. Itiko kotakihi awesisa, matca nta kitai micta sakihikanik kitci nta pekokwehotisotc e ki ici sonipatikotc. Picicikw meka mi tataposkahakopon kwekahakew nac meka itertam nika kokwetcimaw peikw mictikw tan e icinikasotc. « Awin ni kir ? », aci meka itakaniw kwekahakew « Marasati nit icinikason ». Kaskeritam maka naha kwekahakew pecotcik aci kekat e takocinitc micta sakihikanik. Aci meka takocin kwekahakew, kisinam aniheriw e ki ici sonipatikotc cikakwa. Ekoni wetci anotc nte icimakok anotc micta sakihikan.
This article uses material from the Wikipedia Atikamekw article Micta cikakw atisokan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Patoc karokitasonaniwon kata natcipatcikatek ohwe mawotosinihikanCC BY-SA 4.0 kekotc nama takatc e itasinatek. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Atikamekw (DUHOCTRUNGQUOC.VN) is an independent company and has no affiliation with Wiki Foundation.