Enko anahawe Wemotaci iskwew Marie-Célina ka icinikasotc, ote atikamekw askik ki otciw e pwamici takonik ite ke ici nitowakitcik mitowi akosikamikoriw.
Enko anaha anihi David Kawasiketc eki nipowitc anihi ki icinikatakaniwiw Mictcecic osam mocak e ki witcihatc atikamekw iskwewa e matce wapamasoritci acitc nipara ki witcihew kaskina awia e akosiritci notcimi mackikiriw e totak. Nipara ki kiskinohamako otcotcoma ke iti totak mekwatc e matce nitawokihasonanionik misawatc notcimik e tacikaniwok. Picicikw notcimik ki otatisowok kaie ekota kaki otinak kaskina wikasiriw awesis pakekina e totwatc. Wirwow tipirowe ki ocihiewok pakekina kecpin e natowi ocitatcik awaci wikasiriw kirika waskaspisoniw. Micta mitcet ki kaskeritam ke iti aitotak e ocitatc notcimi tcipakwaniriw kirika kinec kitci ki kanawertakik wiasiriw aka wipatc kitci maratanik, onatanik. Ki micta kackitaw kaie e ocihatc namesa, e akwapisowatc acitc pirewa. Ki micta witcihiko kaie anahawe Marie-Célina Wasikicikw ka icinikasoritci kaie ki iti kiskinomowew e totcikaterik anihiriw ka itotisketc. Mocak wirawaw tipirowe ki otinimatisowok kecpin e nta pa pimatisitcik notcimik enkweriw meka ka ki totakik e nitawokihasotcik.
Ki nictiwok iskwewok ni e icinikasotcik, peikw anaha, Marie-Célina Pitcikwi Athanase Ottawa ki wikimew minawatc, pitoc aric itacteriw e ici wirakaniwitc, naha tca kotak, Joseph Dubé e ki wikimatc, Ki mitcetiriwa onitcaniciwawa, Jean-Baptiste, Maggie, Soter, Salomon
Trois-Rivières takoniw peikw meskanariw e ki orinikaterik wir otci, nama ketcinatc weckatc. Ki takonokopon tipatcimo masinahikan e witcikatek kitci atikamekw icinikatcikatek meskanawa neta otenak. Ekote meka ko weckatc e tacikewakoponen nehirowisiwok e nta nikickotatotcik.
This article uses material from the Wikipedia Atikamekw article Marie-Célina Pittikwi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Patoc karokitasonaniwon kata natcipatcikatek ohwe mawotosinihikanCC BY-SA 4.0 kekotc nama takatc e itasinatek. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Atikamekw (DUHOCTRUNGQUOC.VN) is an independent company and has no affiliation with Wiki Foundation.