Tony Rominger, ganador de la última edición, partía como favoritu al trunfu final. Ente los candidatos a la so socesión taben, ente otros, los rivales del añu anterior, Jesús Montoya (sofitáu pol equipu Amaya Seguros, con compañeros como Melchor Mauri, Laudelino Cubino o Oliverio Rincón) y Pedro Delgado. L'equipu ONCE, con Erik Breukink como xefe de files y ciclistes como Laurent Jalabert o Johan Bruyneel, tamién yera un seriu candidatu. Otros corredores d'importancia yeren l'italianu Marco Giovannetti y l'escocés Robert Millar, anque nun cuntaben con un gran equipu de sofitu.
Un mozu suizu, Alex Zülle, que venía como gregariu de Breukink nel equipu ONCE, sorprendió nel prólogu, alzándose cola victoria con más de mediu minutu sobre'l restu de participantes. Zülle caltuvo'l maillot mariellu mientres la primer selmana.
Esperábase que na quinta xornada, una cronoescalada al Puertu de Navacerrada, el ciclista suizu perdiera'l lideralgu. Sicasí, Zülle non yá lu caltuvo, sinón que ganó la etapa. Namái Rominger paecía poder siguir el ritmu del so mozu compatriota. Gran parte de los favoritos, ente ellos Perico Delgado, perdieron más de dos minutos na contrarreló.
L'altu monte llegó na oncena etapa, con final en Caerler. Tony Rominger llanzó'l primer envite pol maillot mariellu, aventayó na meta a Zülle en casi un minutu y asitiábase a namái 18 segundos. El restu de corredores, empezaben a perdese na clasificación xeneral, a munchos minutos. Namái Cubino aguantaba, pero yá a dos minutos. Tres una disputada contrarreló en Zaragoza, la clasificación xeneral yera yá claramente cosa de dos, los suizos Zülle y Rominger. Rominger consiguiría na etapa siguiente, con final n'alto, recuperar el maillot mariellu. Nes primeres etapes disputaes nel cordal Cantábricu, Zülle y Rominger caltuviéronse xuntos en tou momentu, polo que nun hubo diferencies ente estos. Pero na postrera d'elles, con final nel Altu del Naranco, Rominger fízose cola victoria y con una importante ventaya de casi un minutu sobre Zülle.
La última etapa de la Vuelta yera una contrarreló individual de 44 quilómetros. Alex Zülle perdía pocu más d'un minutu y taba dispuestu a recuperalu. Ganó la etapa con casi un minutu de ventaya sobre Tony Rominger, pero foi insuficiente, y esti postreru consiguió asina la so segunda Vuelta a España consecutiva. Nel podiu, acompañó-yos el bexaranu Laudelino Cubino.
Etapes
Etapa | Fecha | Percorríu | Km | Ganador | Líder |
1ª | 26 d'abril | La Coruña | 10 (CRI) | Alex Zülle | Alex Zülle |
2ª | 27 d'abril | La Coruña-Vigo | 251,1 | Alfonso Gutiérrez | Alex Zülle |
3ª | 28 d'abril | Vigo-Ourense | 171,4 | Laurent Jalabert | Alex Zülle |
4ª | 29 d'abril | La Gudiña-Salamanca | 233,4 | Jean Paul Van Poppel | Alex Zülle |
5ª | 30 d'abril | Salamanca-Ávila | 219,8 | Marín Alonso | Alex Zülle |
6ª | 1 de mayu | Palazuelos de Eresma (Destileríes Dyc)-Navacerrada | 24,1 (CRI) | Alex Zülle | Alex Zülle |
7ª | 2 de mayu | Palazuelos de Eresma (Destileríes Dyc)-Madrid | 184 | Laurent Jalabert | Alex Zülle |
8ª | 3 de mayu | Aranjuez-Albacete | 225,1 | Jean Paul Van Poppel | Alex Zülle |
9ª | 4 de mayu | Albacete-Valencia | 224 | Djamolidine Abdoujaparov | Alex Zülle |
10ª | 5 de mayu | Valencia-La Senia | 206 | Juan Carlos González Salvador | Alex Zülle |
11ª | 6 de mayu | Lleida-Cerler | 221 | Tony Rominger | Alex Zülle |
12ª | 7 de mayu | Benasque-Zaragoza | 220,7 | Djamolidine Abdoujaparov | Alex Zülle |
13ª | 8 de mayu | Zaragoza | 37,1 (CRI) | Melchor Mauri | Alex Zülle |
14ª | 9 de mayu | Tudela-Alto de la Cruz de la Demanda (Ezcaray) | 197,2 | Tony Rominger | Tony Rominger |
15ª | 10 de mayu | Santo Domingo de la Calzada-Santander | 226,2 | Dag-Otto Lauritzen | Tony Rominger |
16ª | 11 de mayu | Santander-Alto Campoo | 160 | Jesús Montoya | Tony Rominger |
17ª | 12 de mayu | Santander-Llagos de Cuadonga | 179,5 | Oliverio Rincón | Tony Rominger |
18ª | 13 de mayu | Cangues d'Onís-Xixón | 170 | Serguei Outschakov | Tony Rominger |
19ª | 14 de mayu | Xixón-Alto del Naranco | 153 | Tony Rominger | Tony Rominger |
20ª | 15 de mayu | Salas-Ferrol | 247 | Djamolidine Abdoujaparov | Tony Rominger |
21ª | 16 de mayu | Padrón-Santiago de Compostela | 44,6 (CRI) | Alex Zülle | Tony Rominger |
Equipos participantes
Equipu | Xefe de files | CLAS - Cajastur | Tony Rominger | Amaya Seguros | Jesús Montoya | Banesto | Pedro Delgado | Lotus Festina | Jean Paul Van Poppel | Lampre Polti | Djamolidine Abdoujaparov | Mercatone Uno | Flavio Giupponi | Artiach | Eduardo Chozas | Deportpublic | Jesús Blanco Villar | Kelme - Xacobeo '93 | Anselmo Fuerte | | Equipu | Xefe de files | Artiach - Royal Fruco | Eduardo Chozas | ONCE | Erik Breukink | Collstrop | Hendrik Redant | Eldor | Marco Giovannetti | Gaseoses Glacial | Fabio Moreno | Navigare - Blue Storm | Massimo Podenzana | Sicasal | Juan Tomás Martínez | TVM - Bison | Robert Millar | Varta | Christoph Demel | |
Clasificaciones
Clasificación de meter volantes |
1. | Hendrik Redant | Bélxica | COL | 26 puntos | |
Clasificación de los sprints especiales |
|
Clasificación de la combinada |
|
Clasificación por equipos |
1. | Amaya Seguros | España | AMA | 288h 36' 41" | |
Banda sonora
TVE cubrió esta prueba escoyendo como banda sonora'l cantar "Two-Pa-Ka", del grupu tecno Azul y Negro.
Referencies
Enllaces esternos
This article uses material from the Wikipedia Asturianu article Vuelta a España 1993, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.