The Winds of Winter ye la sesta novela de la serie de fantasía épica A Song of Ice and Fire del escritor d'Estaos Xuníos George RR Martin.
R. Martin">George RR Martin. Martin cree que los dos últimos volúmenes de la serie sumaríen más de 3.000 páxines manuscrites. El escritor refugó facer estimaciones exactes d'una fecha de llanzamientu final de la novela dempués de dellos retrasos. En payares de 2022, Martin declaró que había completáu aproximadamente les tres cuartos de la novela, estimando que había escrit ente 1.100 y 1.200 páxines, y que quedaba ente 400 y 500 páxines, y en payares de 2023 dio una estimación similar, diciendo que taba "lluchando" con esto.
The Winds of Winter | ||||
---|---|---|---|---|
obra lliteraria | ||||
Datos | ||||
Autor | George R. R. Martin | |||
Fecha | ensin valor | |||
Xéneru | fantasía medieval (es) y fantasía | |||
Llingua de la obra | inglés | |||
Editorial orixinal | Bantam Spectra (es) , HarperCollins y AST (en) | |||
País orixinal | Estaos Xuníos | |||
| ||||
Martin afirmó n'una entrevista en 2012 que The Winds of Winter y el so siguiente llibru A Dream of Spring van llevar a los llectores más allá del norte del qu'hasta agora s'ha exploráu nos llibros publicaos, y los otros apareceríen nel llibru. Na entrega anterior, A Dance with Dragons, cubrió menos narración de la que pretendía l'autor, escluyendo a lo menos una gran secuencia de batalla planificada y dexando trames de personaxes que terminen en cliffhangers. Martin pretende resolver estes trames "bien llueu" nesta entrega, y quier abrir con les dos grandes batalles que taba construyendo. En Guadalajara International Book Fair 2016, l'autor dio delles pistes sobre'l carácter escuru de The Winds of Winter: "tuvi diciéndo-y [al llector] mientres 20 años que l'iviernu taba viniendo. L'iviernu ye'l tiempu cuando les coses muerren, y el fríu y el xelu y l'escuridá enllenen el mundu, asina que esto nun va dar la felicidá que persones pueden esperar. Dalgunos de los personaxes tán dientro de llugares bien escuros. [....] Les coses empioren antes d'empezar a ameyorar, asina que les coses tán empiorando pa munches persones."
N'abril de 2011, poco primero de la publicación de A Dance with Dragons, que llevó seis años escribir, Martin esperaba que "los dos últimos llibros van dir un pocu más rápidu qu'esti" y estimó que duraría "tres años terminar el siguiente a bon ritmu". Nuna entrevista de xunetu de 2011, l'escritor reconoció que la so publicación de feches nun yeren exactes y que pa nun enfadar a los fans como nel pasáu nun diba facer previsiones.
N'ochobre de 2012, de les 400 páxines que fueren escrites de la sesta novela, Martin solo consideraba les primeres 200 como "acabaes de verdá", el restu inda precisando revisiones.
N'abril de 2013, Martin estimó qu'habría un cuartu del llibru.
N'abril de 2015, l'autor dixo que quería publicar el llibru antes de la sesta temporada de la serie de HBO Game of Thrones (que tenía de cubrir el material del llibru) que salió en 2016. En setiembre de 2015 les declaraciones feches pol editor español y el traductor polacu de la novela indicaron qu'esperábase la so publicación en 2016.
En xineru de 2016, l'autor confirmó que nun cumpliera'l terminalo pa fin d'añu que s'estableciera col so editor pal llanzamientu del llibru enantes de la sesta temporada del programa HBO. Añadió qu'acabar el llibru taba "inda a meses de distancia... si la escritura va bien". Martin tamién reveló qu'hubo un plazu que consideró realizable en mayu de 2015 y que en setiembre de 2015 todavía consideró que terminalu a fin d'añu yera alcanzable. Confirmó que daqué de la trama del llibru podría ser revelada na serie Game of Thrones pero unu de los showrunners, David Benioff, afirmó que mientres los elementos de clave seríen iguales, la serie divergiría del llibru en munchos aspeutos. En febreru de 2016, Martin declaró que había abandonáu tolos sos proyectos de edición, cola esceición de Wild Cards, y que nun escribiría nada antes de llibrase de The Winds of Winter.
En 2017, Martin creyó que Winds of Winter sería publicáu ese mesmu añu., tamién notó que creía que la mesma cosa pasaría años enantes, y más tarde ese mesmu añu confirmó que "inda faltan meses" pa terminar el llibru, indicando que nun se publicaría hasta 2018 o más tarde, con Fire & Blood, el llibru na hestoria de la Casa Targaryen, posiblemente precedíu. N'abril de 2018, Martin confirmó que Fire & Blood sería publicáu antes de Winds of Winter, que nun sería publicáu en 2018; indicó que Fueu y Sangre yera'l siguiente llibru que'l so editor quería que se publicara dempués. Dende entós, confirmó al menos cuatro veces mientres el 2018 que siguió trabayando en Vientos d'Inviernu. N'abril de 2019, Martin dixo que la escritura "fora perbién últimamente", y dixo que esperaba terminalo "nun futuru relativamente cercanu", y que dempués de la secuela de Game of Thrones, House of the Dragon, de la que ye unu de los productores executivos, anunció que había entá muncho trabayu por facer na serie pero que nun escribiría guión pa la serie antes de terminar The Winds of Winter.
This article uses material from the Wikipedia Asturianu article The Winds of Winter, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.