Ulisses Correia E Silva: Políticu cabuverdiano

Nacíu na capital caboverdiana "Praia", el día 4 de xunu de 1962. El fixo la so formación primaria y secundaria nel Llicéu Domingo Ramos y darréu llicencióse en 1988 pol Institutu Cimeru d'Economía y Xestión de la Universidá Téunica de Lisboa (UTL).

En rematando los sos estudios cimeros, ente 1989 y 1994 tuvo una importante esperiencia nel sector bancariu, lo que llevó a ser el Direutor del Departamentu d'Alministración del Bancu de Cabu Verde.

Darréu entró nel mundu de la política como miembru del partíu Movimientu pa la Democracia (MPD) y pasó hai pertenecer al gobiernu como Secretariu d'Estáu de Facienda ente 1995 y 1998 y un añu más tarde hasta'l 2000, foi Ministru de Facienda. Mientres la etapa na que se desempeñó como ministru, cabo destacar l'acercamientu del Escudu cabuverdianu en rellación col Euru, tamién tuvo un gran impautu na economía del país, llogrando asina una crecedera económica y la creación d'empléu.

Ente 2002 y 2007 exerció como profesor de la Universidá Jean Piaget de Cabu Verde, na qu'impartió cursos sobre'l Control de la Estratexa corporativa y de la Economía de la empresa.

Antes d'empecipiar el so primer mandatu como Presidente de la Cámara Municipal del Distritu de Praia, foi escoyíu como diputáu na Asamblea Nacional de Cabu Verde, onde más tarde foi Xefe del Grupu Parllamentariu del so partíu "MPD" dende marzu de 2006 hasta marzu de 2008 y coles mesmes asumió'l puestu de Vicepresidente.

Dende xunu de 2013 ye'l Presidente del MPD y tamién del Comité executivu de la organización internacional "Unión de Ciudaes Capitales Lusu-Áfro-Américo-Asiáticas (UCCLA)" y dende payares de 2014 del " IDC - África".

Como líder del so partíu, anguaño en ganando con una mayoría absoluta les Eleiciones Parllamentaries de marzu de 2016, dende'l día 22 d'abril en socesión de José Maria Nieves, ye'l nuevu 6u Primer Ministru de Cabu Verde.

•   Wiki Commons acueye conteníu multimedia sobre Ulisses Correia e Silva  .