Schlager
El Schlager (de la pallabra alemana Schlag d'igual significáu que la inglesa hit, n'español: «golpe (d'ésitu)») ye un tipu de pieza musical, polo xeneral llixera y pegañosa, consistente nun cantar que'l so testu suel ser pocu esixente, con acompañamientu instrumental de música pop.
Mayoritariamente, los testos de Schlager tán n'idioma alemán y munches vegaes traten de temes sentimentales. Tuvo'l so orixe nes melodíes de la opereta y dende los años 1920, cola influencia de los ritmos y harmoníes del jazz fíxose notar como xéneru estreme nel contestu de la música pop.
A partir de los años 1950 el Schlager descríbese como "un conceutu de la nueva música popular malo de definir", y tamién como "forma embrivida pa referise a música de baille y popular llixera.Trátase, polo xeneral, d'una pieza musical comercialmente esitosa. Les sos carauterístiques seríen les "estructures musicales desaxeradamente simples y testos triviales qu'apelen al deséu de felicidá y harmonía de los oyentes". Nesti contestu, "les fronteres escontra la música pop y escontra la música popular folclórica (volkstümlich) alemana son difuses“.
Distribución xeográfica
Amás d'Alemaña, el xéneru ye frecuente en tamién n'otres zones d'Europa, principalmente nel norte, na rexón d'Escandinavia, países bálticos, etc. y con menos repercusión en Francia (salvu en Alsacia) y Países Baxos. Los cantares pueden ser balaes duces, de melodía simple y pegadiza. Predomina nes temes el amor, los sentimientos y la murria. La variante nortiza, sobremanera en Finlandia, acopla elementos del folk nórdicu y eslavu.
El Schlager tomó fuercia nel Festival d'Eurovisión dende la so creación en 1956, anque en numberoses ocasiones foi reemplazáu por otru tipu d'estilos más pop. Anguaño Suecia suel llevar exemplos de música Schlager a Eurovisión anque iguada con soníos dance que la alloñar de la so esencia, polo que los puristes d'esti estilu de música nun consideren Schlager a la nueva variante. El postreru Schlager que ganó nel festival d'Eurovisión foi en 1999, de la mano de Charlotte Perrelli (actuó col nome Charlotte Nilsson) y la so tema Tusen Och En Natt (interpretáu n'inglés col títulu 'Take me to your heaven').
Na década de 1990 coyó de nuevu fuercia n'Alemaña con numberosos cantares que gociaron y gocien d'enforma ésitu, inclusive en Hamburgu celébrase añalmente un festival Schlager nel que nun falta la estética de los 70.
El Schlager contemporaneu ye de cutiu entemecíu con Volksmusik.
Exemplos d'artistes schlager
|
|
|
Referencies
Enllaces esternos
- Schlagermove Semeyes (n'alemán)
This article uses material from the Wikipedia Asturianu article Schlager, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.