Considérase recursu non anovable a un recursu natural que nun puede ser producíu, refechu o reutilizáu a una escala tal que pueda sostener la so tasa de consumu.
Estos recursos frecuentemente esisten en cantidaes fixes o son consumíos muncho más rápido de lo que la naturaleza puede recrealos.
Llámase reserves a los contingentes de recursos que pueden ser estrayíos con provechu. El valor económicu (monetariu) depende de la so escasez y demanda, y ye una tema qu'esmolez a la economía. La so utilidá como recursos depende del so aplicabilidad, pero tamién del costu económicu y del costu enerxéticu del so llocalización y esplotación. Por casu, si pa estrayer el petroleu d'un xacimientu hai qu'invertir más enerxía que la que va apurrir, nun puede considerase un recursu. Dalgunos de los recursos non anovables son: el petroleu, los minerales, los metales, el gas natural y los depósitos d'agua soterraño (siempres que sían acuíferos confinaos ensin recarga).
La contabilidá de les reserves produz munches disputes, coles estimaciones más optimistes per parte de les empreses, y les más pesimistes per parte de los grupos ecoloxistes y los científicos académicos. Onde la confrontación ye más visible ye nel campu de les reserves d'hidrocarburos; equí, los primeres tienden a presentar como reserves tolos xacimientos conocíos más los que preven atopar. Los segundos ponen la énfasis nel costu monetariu creciente de la esploración y de la estracción, con namái un nuevu barril topáu per cada cuatro consumíos, y nel costu termodinámicu (enerxéticu) creciente, que mengua'l valor d'usu mediu de los nuevos afayos.
This article uses material from the Wikipedia Asturianu article Recursu non anovable, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.