Ornitoloxía Pileu
El pileu ye la parte cimera de la cabeza de les aves.
| Pileu | |
|---|---|
región anatómica (es)  | |
 | |
 |
El pileu de munches aves destaca por tener el plumaxe de distintu color o por tener plumes de llargor distintu al restu de la cabeza, formando un moñu. Delles aves presenten patrones llistaos nesta parte de la cabeza. Si la franxa percuerre'l pileu llonxitudinalmente na so parte central denómase llista pilial media y si lo fai pelos llaterales denómase llista pilial llateral.
El color, la forma y otres carauterístiques del plumaxe del pileu son útiles pa la identificación de delles aves, tanto pa estremar a los individuos d'especies d'aspeutu similar como pa estremar a miembros de la mesma especie de distintos sexos y edaes. El color del plumaxe del pileu pue variar ente los distintos sexos d'una mesma especie; por casu nes Sylvia atricapilla nos machos ye de color negru y nes femes de color pardu acoloratáu. Tamién pue ser distintu'l color del pileu de los adultos y los neñones de la mesma especie; por casu nos adultos de Dendrocopos major ye negru y nos sos xuveniles ye coloráu.
En delles especies la coloración del pileu ye variable según la estación del añu. En munchos miembros de la familia Sternidae nes que'l so pileu ye negru mientres la estación reproductiva esti vuelve parcialmente o blancu dafechu fuera d'ella. Y sucede lo mesmo en delles especies de gaviluetes.
-
El color del pileu de munchos Sternidae camuda a lo llargo del añu -
Les Sylvia atricapilla tienen el pileu y la frente del mesmu color, los machos prietu y les femes acoloratáu. -
Les plumes del pileu del Bombycilla garrulus prollónguen penriba la nuca. -
El Regulus ignicapillus presenta bandes nel pileu.
.jpg)
Referencies
Bibliografía
- Mark Beaman y Steve Madge (1998) Guía d'identificación. Aves d'Europa, norte d'África y Próximu Oriente. Ed. Omega. ISBN 8428209464
- Eduardo de Juana y Juan M. Varela (2000). Guía de les aves d'España, península, Baleares y Canaries. Lynx Edicions SEO/Birdlife. ISBN 8487334261
Datos: Q3321195
This article uses material from the Wikipedia Asturianu article Pileu (ornitoloxía), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.