Cola espresión países del Reinu Xuníu desígnense les naciones d'Inglaterra, Irlanda del Norte, Escocia y Gales, que xuníos, formen el Reinu Xuníu de Gran Bretaña ya Irlanda del Norte, un Estáu soberanu.
Empléguense coles mesmes los calificativos de "naciones constitutives" y "Home Nations" para designales, esti postreru principalmente pa fines deportivos.
El términu "países" (inglés:countries) ye'l más común, debíu principalmente a la inesistencia d'una constitución británica formal y a la llarga y complexa historia de la formación del Reinu Xuníu. De la mesma, estos países nun tienen una denominación oficial, polo que nun se-yos puede considerar subdivisiones formales del Reinu Xuníu y n'ocasiones empleguen términos dellos para referise a ellos.
Como Estáu soberanu, el Reinu Xuníu ye l'ente que representa a toos estos países n'organizaciones internacionales, como Naciones Xuníes y la Xunión Europea, de la cual foi miembru, hasta'l 1 de febreru de 2020.
El parlamentu y el gobiernu del Reinu Xuníu trepen con asuntos rellacionaos con Irlanda del Norte, Escocia y Gales que nun fueren tresferíos, pero nun interfier otra manera nes temes que sían competencia de l'Asamblea d'Irlanda del Norte, el Parlamentu Escocés y el Parlamentu galés. Inglaterra, sicasí, ye responsabilidá del parlamentu británicu, con see en Londres.
Les Islles de la Canal y la Islla de Man son dependencies de la Corona británica, pero nun formen parte del Reinu Xuníu.
Nome | Bandera | Área (km²) | Población (est. de 2010) | Capital |
---|---|---|---|---|
Inglaterra | 130.395 | 51,6 millones | Londres | |
Escocia | 78.772 | 5,2 millones | Edimburgu | |
Gales | 20.779 | 3,0 millones | Cardiff | |
Irlanda del Norte | Ensin bandera aguañu | 14.130 | 1,8 millones | Belfast |
Reinu Xuníu | 243.789 | 62,1 millones | Londres |
This article uses material from the Wikipedia Asturianu article Países del Reinu Xuníu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.