Rexón Histórica País Vascu: Territoriu históricu y cultural del pueblu vascu ente España y Francia
Euskal Herria o Vasconia (que significa lliteralmente País del euskera) ye un conceutu qu'evolucionó al planu antropolóxicu y cultural pa referise a los territorios nos que se fala o falaba euskera.
| País Vascu | |||
|---|---|---|---|
| |||
| Alministración | |||
| Tipu d'entidá | rexón cultural | ||
| Nome llocal | Euskal Herria (eu) | ||
| Xeografía | |||
| Coordenaes | 42°52′59″N 1°56′08″W / 42.8831°N 1.9356°O | ||
 | |||
| Superficie | 20870 km² | ||
| Puntu más altu | Mesa de los Tres Reyes (es)  | ||
| Demografía | |||
| Población | 3 193 513 hab. (2020) | ||
| Densidá | 153,02 hab/km² | ||
 | |||
Anguaño refierse a los siete territorios históricos d'Álava (n'euskera, Araba), Baxa Navarra (Nafarroa Beherea), Guipúzcoa (Gipuzkoa), Labort (Lapurdi), Navarra (Nafarroa), Vizcaya (Bizkaia) y Sola (Zuberoa), repartíos nos estaos español y francés. Les provincies na España nómense Hegoalde ("Zona sud") y les provincies nel Estáu Francés, Iparralde ("Zona norte").
Ye reseñable, de toes formes, que les afinidaes ente estos territorios tienen raigaños más bien históricos y culturales que llingüísticos, yá que nin tolos territorios nos que se faló euskera en tiempos históricos se consideren pertenecientes a Euskal Herria (euskera se faló en La Rioxa, nordeste de Burgos, valles pirenaicos oscenses) nin en tolos territorios d'Euskal Herria falóse euskera en tiempos históricos (les Encartaciones y la marxe izquierda de la boca'l Nervión son castellanufalantes dende va sieglos y na Ribera de Navarra perdióse cola llegada del Imperiu Romanu , o los territorios de la depresión vasca, onde, según delles teoríes, como la de la vasconización tardía, la "euskaldunización" foi mientres l'Alta Edá Media).
El términu "Euskal Herria" apaez por vez primera n'escritos nel sieglu XVI, concretamente en 1567 por Joan Pérez Lazarraga y en 1571 por Joannes Leizarraga. Tamién se-y noma Euskalerria, Euskalerría, Eskualerria o Vasconia.
Usu políticu del términu
El conceutu d'Euskal Herria tuvo, n'orixe, una dimensión exclusivamente cultural, yera'l mou en que los vascofalantes de magar el sieglu XVI denomen históricamente a los territorios nos que se falaba la so llingua.
Col españíu del nacionalismu vascu a partir de finales del sieglu XIX, dase-y tamién una dimensión política yá qu'esti, estos territorios constitúin el solar de la "nación vasca" y Pamplona (Navarra) sería la so capital..
L'usu político del términu Euskal Herria pol nacionalismu vascu ye, de toes maneres, reciente, yá qu'enantes avezábase l'usu del neoloxismu Euskadi, inventáu por Sabino Arana.
Xeografía
Una superficie de 20.664 km² nel vértiz occidental de los Pirineos nel Golfu de Vizcaya. Una población d'aproximao 3.000.000 de persones, de los qu'alredor de 2.500.000 tienen ciudadanía española y el resto, francesa. Euskal Herria divídese en siete territorios (a vegaes denomaos col términu vascu herrialdes):
- Vizcaya (Bizkaia)
- Guipúzcoa (Gipuzkoa)
- Álava (Araba)
- Navarra (Nafarroa)
- Baxa Navarra (Nafarroa Beherea; francés: Basse Navarre)
- Labort (Lapurdi; fr. Labourd)
- Sola (Zuberoa, Xiberu, Xüberoa; fr. Soule)
Principales ciudaes
- Bilbao 353.173 habitantes (2005)
- Vitoria 226.490 habitantes
- Pamplona 193.328 habitantes
- San Sebastián 182.930 habitantes
- Barakaldo 95.260 habitantes
- Getxo 86.435 habitantes
- Irún 59.557 habitantes
- Portugalete 50.357 habitantes
- Santurce 47.155 habitantes
- Bayonne 44.300 habitantes
Extensiones y datos xeográficos
| Territoriu | Estensión (km²) | Capital | Númberu de Conceyos |
|---|---|---|---|
| Euskal Herria | 20.947,2 | Pamplona | 683 |
| Álava | 3.316,9 | Vitoria | 53 |
| Vizcaya | 2.236,7 | Bilbao | 112 |
| Guipúzcoa | 1.980,3 | San Sebastián | 88 |
| Labort | 855,7 | Bayonne | 41 |
| Baxa Navarra | 1.322,1 | San Juan Pie de Puerto | 74 |
| Navarra | 10.421,0 | Pamplona | 272 |
| Sola | 814,5 | Mauleón | 43 |
Fuente Datutalaia
Euskal Herria como nación
El conceutu d'Euskal Herria como nación ye polémico, yá que la concencia nacional vasca tien un gráu mui diversu d'inplantación nos ciudadanos de caún de los territorios d'Euskal Herria. Polos resultaos eleutorales de los distintos partíos nestos territorios, pue inferir, con cautela, que'l sentimientu de pertenencia n'esclusiva a esta nación podría ser mayoritariu en Vizcaya y Guipúzcoa (que sumen más del 60% de la población total d'Euskal Herria y con poco más de 20% del total). En Navarra polos resultaos eleutorales nacionalistes podría inferirse que'l sentimientu de pertenencia de Navarra a Euskal Herria como nación nun sobrepasaría un 25% de la población; porcentaxe únicamente obteníu del númberu de votos nacionalistes. (En Euskobarómetro [1] se pue consultar sobre los difernetes sentires de la sociedá vasca.)
El territoriu definíu anguaño como Euskal Herria nun tuvo unidá política na historia. Nel reináu de Sancho Garcés III el Mayor (1004-1035), el reinu de Nájera-Pamplona, antecesor del Reinu de Navarra, al reinar sobre bona parte del norte cristianu peninsular, reinó sobre la mayor parte los territorios, incluyendo los correspondientes al denomáu "País Vascu francés", ensin abarcar por embargu la Ribera de Navarra.
Ver tamién
- Euskera
- País Vascu
- Navarra
- País Vascu francés
- Nacionalismu vascu
Referencies
Enllaces esternos
- Historia d'Euskal Herria y del euskera.
- Informe de la Real Academia de la Llingua Vasca/Euskaltzaindia sobre la denominación Euskal Herria
- Navarrometro
Datos: Q47588
Multimedia: Basque Country
This article uses material from the Wikipedia Asturianu article País Vascu (rexón histórica), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.