La Oficina de Conseyeros de Política Europea (BEPA, poles sos sigles n'inglés: Bureau of European Policy Advisers) ye'l más altu órganu consultivu que garrasti a la Comisión Europea, y en particular al so Presidente, del que depende.
La so función ye la d'apurrir al Presidente y, nel so casu, al Colexu, un analís a xeitu de la información disponible y de la situación xeneral de les polítiques de la Unión, col fin d'encontar les llinies d'actuación estratéxica que, nel mediu y llargu plazu, tien de siguir la Comisión pal más eficaz y acertáu exerciciu de les sos funciones. BEPA ye un serviciu de naturaleza eminentemente política, ensin función alministrativa o executiva dalguna, con una finalidá consultiva o d'estudiu, pero que la so importancia política real y relevancia na formación d'idees y proyeutos puede ser bien destacada.
Oficina de Conseyeros de Política Europea | |
---|---|
European Political Strategy Centre (EPSC) (en) Bureau of European Policy Advisers (BEPA) (en) Group of Policy Advisers (GOPA) (en) Forward Studies Unit of the European Commission (en) IDEA - Inspire, Debate, Engage and Accelerate Action (en) | |
service department of the European Commission (en) | |
Historia | |
Fundación | 1989 |
Web oficial | |
Por cuenta de la so variada composición multidisciplinar, que cunta con Conseyeros procedentes de distintos ámbitos y espertos en materies bien diverses, BEPA suel desempeñar tamién funciones d'enllaz cola sociedá civil, especialmente nes universidad y demás instituciones académiques, les confesiones relixoses, los partíos políticos nacionales y europeos, el sector científicu, el mundo de les finances y de la economía, etc...
Esisten tres categoríes de Conseyeros Políticos Europeos:
el Direutor Axuntu, ** el Conseyeru Xefe, ** el Xefe de Gabinete del Presidente de la Comisión, ** el Conseyeru Científicu Xefe del Presidente, * Conseyeros especiales, nomaos y cesaos llibremente pol Presidente de la Comisión, de normal ente espertos en materies d'interés y dedicaos a un llabor d'asesoramientu esclusivu;
Ye'l Presidente quien designa a los miembros que considere más aptos pal puestu de Conseyeros especiales y asociaos, magar suel asoceder ente estos que'l Presidente añada unu o dellos espertos a los esistentes, relevando a dalgunos de los anteriores, pero calteniéndose hasta la fecha una cierta tradición de continuidá na so composición xeneral que favoreza'l bon funcionamientu de los sos trabayos como un llaboratoriu d'idees y de pensamientu bien cualificáu. Ye frecuente que los Conseyeros acomuñaos sían nomaos a propuesta del Direutor de la Oficina.
Los trabayos d'esti órganu suelen partise por encargu del Presidente de la Comisión, y son coordinaos pol Direutor de la Oficina de Conseyeros de Política Europea (anguaño l'economista portugués Vitor Gaspar). Entámense grupos de trabayu sectoriales integraos por trés o más Conseyeros espertos na materia, encargaos de la llevanza y del siguimientu de determinaos asuntos y los sos espedientes, y de les rellaciones correspondientes, y encamiéntense árees de acutación a los Conseyeros nel ámbitu esternu o de rellaciones y siguimientu. Asina suelen establecese un grupu d'asuntos económicos, otru pa la política esterior, y los demás que determine'l so Direutor. En toes estes xeres los Conseyeros tán asistíos pol Gabinete d'Analís, órganu permanente de la Oficina.
La Oficina s'estructura al traviés de dos Grupos entamaos en diverses unidaes sectoriales, una unidá central y una secretaría, a saber:
un sector de diálogu global y ** un sector de redaición de discursos.
La Oficina de Conseyeros de Política Europea tien la estructura y el rangu formal d'una Direición Xeneral de la Comisión, integrada na Oficina del Presidente de la Comisión.
web de la Oficina de Conseyeros de Política Europea (n'inglés)
This article uses material from the Wikipedia Asturianu article Oficina de Conseyeros de Política Europea, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.