Gloria Grahame
Gloria Hallward, de nome artísticu Gloria Grahame (28 de payares de 1923, Los Angeles – 5 d'ochobre de 1981, Nueva York) foi una actriz d'Estaos Xuníos de cine, teatru y televisión.
Gallardoniada col premiu Óscar en 1952 a la meyor actriz secundaria, pola so participación na película The Bad and the Beautiful (1952).
Gloria Grahame | |
|---|---|
 | |
| Vida | |
| Nacimientu | Los Angeles, 28 de payares de 1923 |
| Nacionalidá |  Estaos Xuníos |
| Llingua materna | inglés |
| Muerte | Nueva York, 5 d'ochobre de 1981 (57 años) |
| Sepultura | Cementerio Oakwood Memorial Park (es)  |
| Causa de la muerte | cáncanu de mama |
| Familia | |
| Padre | Reginald Michael Hallward |
| Madre | Jeannie McDougall |
| Casada con | Stanley Clements (1945 – 1948) Nicholas Ray (1948 – 1952) Cy Howard (1954 – 1957) Anthony Ray (1960 – 1974) |
| Estudios | |
| Estudios | Escuela Preparatoria de Hollywood (es) |
| Llingües falaes | inglés |
| Oficiu | actriz, cantante, actriz de xéneru, actriz de teatru, actriz de televisión, actriz de cine |
| Llugares de trabayu | Estaos Xuníos |
| Premios | |
| Nominaciones | ver
|
| Instrumentu musical | voz |
| IMDb | nm0002108 |
| ensin valor | |
 | |
Trayeutoria artística
Fía del arquiteutu y escritor Reginald Hallward y de Jeanne McDougall, de nome artísticu Jean Grahame, actriz y profesora de teatru, Gloria empezó la so carrera como actriz nel mediu teatral. Mientres trabayaba nos escenarios de Broadway, foi contratada pola productora MGM, na qu'empezó a trabayar nel mediu cinematográficu, y camudóse el nome pol de Gloria Grahame.
Desempeñó papeles importantes en producciones de Hollywood mientres les décades de los 40 y 50, siendo nomada al Óscar de l'Academia de Hollywood como meyor actriz secundaria por Encruciada d'odios (1947). Tres el so trabayu con direutores como Nicholas Ray y Cecil B. DeMille, volvería ser nomada de nuevu al Óscar a la meyor actriz secundaria en 1952, pola so interpretación en The Bad and the Beautiful (The Bad and the Beautiful), de Vincente Minnelli.
A partir de mediaos de la década de los 50 la carrera nel cine de Gloria Grahame tornó, en parte por cuenta de les males resultaos d'una operación quirúrxica nun llabiu, lo que perxudicó la dicción de l'actriz.
Na década de los 60 Grahame caltúvose bien activa nel mediu teatral, pero práuticamente abandonó'l cine, interviniendo solo nel western Nueche de violencia. Nel añu 1964 participó nel capítulu "The Homecoming" na serie de TV The Fugitive onde tien el papel de Dorina Pruitt.
Dende l'empiezu de la década siguiente hasta principios de los 80, Grahame tendría una actividá considerable nel cine y la televisión, ensin abandonar el mediu teatral, representando delles obres n'Inglaterra. En 1973 intervieno nel cine español: participó en Taró de José María Forqué, xunto a Fernando Rey y Sue Lyon.
Vida personal
Gloria Grahame tuvo casada en cuatro causes, siendo'l so segundu home'l direutor Nicholas Ray. Foi madre de cuatro fíos, de los que trés fueron neños, y una, neña.
Muerte
En 1981, Grahame foi dignosticada de cáncer d'estómagu, pero ella refugó la resultancia del diagnósticu, y viaxó a Inglaterra pa prosiguir cola so actividá profesional nel teatru. Una vegada ellí, la so salú deterioróse rápido, siendo treslladada de nuevu a los Estaos Xuníos, y finando finalmente en Nueva York el 5 d'ochobre de 1981, a los 57 años d'edá. Gloria Grahame ta soterrada nel Campusantu Oakwood Memorial Park, en Chatsworth, California.
Filmografía (parcial)
- La Casona 1981 Direutor: Armand Weston
- Melvin and Howard 1980 Direutor: Jonathan Demme
- Home ricu, home probe (serie de televisión) 1976
- Apuestes contra la mañana 1959 Direutor: Robert Wise
- Ride out for Revange (1957) Direutor Bernard Girard
- Not As a Stranger 1955 Direutor: Stanley Kramer
- Oklahoma 1955 Direutor: Fred Zinnemann
- La tela d'araña 1955 Direutor: Vincente Minnelli
- Deseos humanos 1954 Direutor: Fritz Lang
- Fuxitivos del terror colorao 1953 Direutor: Elia Kazan
- Los sobornaos 1953 Direutor: Fritz Lang
- Una aventurera en Macáu 1952 Direutor: Josef von Sternberg
- The Bad and the Beautiful 1952 Direutor: Vincente Minnelli--Óscar a la meyor actriz secundaria
- The Greatest Show on Earth 1952 Direutor: Cecil B. DeMille
- Nun llugar solitariu 1950 Direutor: Nicholas Ray
- Un secretu de muyer 1949 Direutor: Nicholas Ray
- Encruciada d'odios 1947 Direutor: Edward Dmytryk--Nominación al Óscar a meyor actriz secundaria
- It's a Wonderful Life 1946 Direutor: Frank Capra
- Ensin amor 1945 Direutor: Harold S. Bucquet
Notes
Referencies
Enllaces esternos
Wiki Commons acueye conteníu multimedia sobre Gloria Grahame 
.- Gloria Grahame na Internet Movie Database (n'inglés)
- Filmografía de Gloria Grahame; n'español, nel sitio FilmAffinity.
Datos: Q59314- Multimedia: Gloria Grahame
This article uses material from the Wikipedia Asturianu article Gloria Grahame, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.