L'escudu d'armas d'Alemaña tien el so orixe n'estremaos símbolos que s'asocedieron demientres el Sacru Imperiu Romanu Xermánicu, el que, al desintegrase en 1806 arriendes de les Guerres Napoleóniques, dexó ensin escudu oficial a los estaos alemanes que formaran parte del Imperiu.
Escudu d'Alemaña | |
---|---|
Datos | |
Estáu | Alemaña |
Propietariu | Alemaña |
Fecha d'adopción | 20 de xineru de 1950 |
Demientres l'Imperiu alemán que s'afitó en 1871, l'aigla real tornó a tomase como símbolu, siendo remocicáu'l so diseñu tres de la derrota alemana na Primer Guerra Mundial y llueu nuevamente nos años 1930 tres d'instaurase l'Alemaña nazi.
La RFA estableció l'actual escudu en 1950. Esti escudu foi diseñáu en 1926 por Tobias Schwab reformando l'escudu de la República de Weimar. Nesa dómina se-y nomaba l'aigla de Weimar, pero cuando la RFA lo adoutó como símbolu pasó a conocese como'l "aigla federal", nome que caltién anguaño.
L'aigla federal (Bundesadler n'alemán) figura, por exemplu, en munchos documentos oficiales, nos uniformes del exércitu, na fachada d'edificios estatales, nes monedes y pasaportes, asina como nes camisetes de les federaciones deportives alemanes. A vegaes tamién apaez na bandera d'Alemaña, anque nun ye lo normal.
This article uses material from the Wikipedia Asturianu article Escudu d'Alemaña, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.