Catherine Fahringer (12 de setiembre de 1922, Utah – 12 d'avientu de 2008, San Antonio) foi una activista social y escritora d'Estaos Xuníos que militó pola separación de la Ilesia del Estáu nel so país d'orixe.
Catherine Fahringer | |
---|---|
Vida | |
Nacimientu | Utah, 12 de setiembre de 1922 |
Nacionalidá | Estaos Xuníos |
Muerte | San Antonio, 12 d'avientu de 2008 (86 años) |
Causa de la muerte | cáncer de páncrees |
Oficiu | escritora |
Creencies | |
Relixón | ateísmu |
Catherine Compton nació en 1922, fía d'un militar que finaría mientres la Segunda Guerra Mundial. Casóse con Fred Fahringer, tamién militar, a principios de la década de 1940; la pareya tuvo un fíu y una fía, quien finó cuando entá yera nueva. La pareya vivió en delles partes d'Estaos Xuníos, en Xapón y en Francia, y finalmente establecióse en San Antonio.
En 1988 Fahringer foi una de les co-fundadores de Freethought Forum, un capítulu de San Antonio, Texas de la Freedom From Religion Foundation (FFRF), xunto a Don DeNatale y Jeffrey Levan. Más tarde trabayaría como secretaria de la FFRF.
Les sos campañes en Texas incluyeron una protesta contra'l Almuerzu d'Oración Nacional del alcalde de San Antonio en 1991, y una "Manifestación pola razón" (Rally for Reason) en 1994. Tamién trabayó afalando la remoción de los cartelos asitiaos nos aparatos d'allumáu públicu de la ciudá que contuvieren símbolos relixosos, la oración obligatoria nes escueles públiques y nes universidaes, y lluchó por que se retiraren les cabines d'eleiciones polítiques de les instituciones relixoses. Tamién militaba viviegamente en proyeutos rellacionaos con problemátiques tales como'l albuertu y el control d'armes.
Fahringer finó de cáncer d'entrellenzu n'avientu de 2008, a los 86 años d'edá.
This article uses material from the Wikipedia Asturianu article Catherine Fahringer, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.