Casa Conceyu

Ta integráu pol alcalde, y los conceyales.

El so réxime xurídicu contiénse, principalmente, na Llei 7/1985, de 2 d'abril, reguladora de les Bases del Réxime Llocal. Hai de tener en cuenta, amás, la correspondiente normativa autonómica. A día de güei, el Principádu d'Asturies nun aprobó la so Llei de Réxime Llocal.

Como se dixo, la Casa Conceyu, muérganu de gobiernu y alministración de los conceyos, ta integráu pol Alcalde, y los Conceyales.

Per otra parte'l Plenu de la Casa Conceyu ye'l muérganu nel que s'asitien tolos conceyales, y presidíu pol Alcalde. Amás ta la Xunta de Gobiernu Llocal, preceptiva en tolos conceyos de población superior a 5.000 habitantes. Ta integrada pol Alcalde, que la preside, y los conceyales nomaos por esti, en númberu non superior a un terciu del total esistente.

Los Conceyos tienen atribuyida la competencia d'autoorganización, d'alcuerdu cola normativa de réxime llocal. Por eso la so cadarma pue variar d'una Casa Conceyu a otra. En tou casu, sacante l'Alcalde y el Plenu municipal, puen destremase los vinientes servicios:

• Conceyalíes delegaes. Por delegación del Alcalde, les sos competencies en cuantes a un área determinada puen delegase nún de los Conceyales. Esa delegación pue o non abarcar la de dictar actos alministrativos con efeutos frente a terceros.
• Secretaría. Compriende les funciones de fé pública y asesoramientu llegal preceutivu.
• Intervención. Compriende los servicios de calter económicu.
• Ayalguería. Xestión de cobros y pagos.
• Organismos Autónomos. Puen esistir si asina lo alcuerda'l Plenu municipal. Son entes pa la xestión descentralizada de servicios.
• Entidaes Públiques empresariales. Entes con autonomía funcional y operativa pa la xestión de servicios públicos de competencia llocal.
• Sociedaes Mercantiles. Puen ser de capital públicu al 100%, o de capital mistu.

•   Wiki Commons tien conteníu multimedia tocante a Casa Conceyu.