William Mark Bill Fagerbakke (4 d'ochobre de 1957, Fontana) ye un actor d'Estaos Xuníos de cine, televisión y de voz.
Los sos papeles principales inclúin la voz de Patricio Estrella na serie animada Bob Esponxa, el papel de Michael "Dauber" Dybinski na comedia Entrenador y la so personificación de Marvin Eriksen, el padre de Marshall Eriksen, en How I Met Your Mother.
Bill Fagerbakke | |
---|---|
Vida | |
Nacimientu | Fontana, 4 d'ochobre de 1957 (66 años) |
Nacionalidá | Estaos Xuníos |
Llingua materna | inglés |
Familia | |
Casáu con | Catherine McClenahan (1989 – 2012) |
Estudios | |
Estudios | Universidá d'Idaho Grau n'Artes Universidá Metodista del Sur Minico High School (en) |
Llingües falaes | inglés |
Oficiu | actor de voz, actor de televisión, actor |
Altor | 198 cm |
Trabayos destacaos | SpongeBob SquarePants |
Miembru de | Delta Tau Delta (es) |
IMDb | nm0265067 |
Fagerbakke nació en Fontana, California. Cursó los sos estudios secundarios na Minico High School, en Rupert, Idaho, y más tarde asistió a la Universidá d'Idaho. Xugó al fútbol americano pa los Vandals hasta qu'una mancadura terminó cola so carrera deportiva, polo que decidió dedicase al teatru. Más tarde, asistió a la Southern Methodist University, en Dallas.
Participó en delles series de televisión, como l'entrenador asistente "Dauber" Dybinski en Entrenador; en películes, como Funny Farm; y en delles obres de Broadway. Personificó a Tom Cullen, un home con problemes mentales, na miniserie de 1994 Apocalipsis. En 1999, interpretó al oficial Karl Metzger na serie orixinal de HBO Oz. Ye la voz de Patricio Estrella na serie Bob Esponxa, de Nickelodeon.
En 2007, fixo un caméu na serie Heroes, como Steve Gustavson, nos episodios "Run" y "Unexpected". Fagerbakke foi aclamáu pola crítica como tespiano pol Screen Actors Guild y la Escuela d'Actuación Juilliard polos sos papeles como Shylock en The Merchant of Venice, de William Shakespeare, y como Torvald en A Doll's House, d'Ibsen. En 2009, volvió participar nuna película, titulada Jennifer's Body. Dende 2005, personifica a Marvin Eriksen, Sr., el padre de Marshall Eriksen, na comedia de CBS How I Met Your Mother.
This article uses material from the Wikipedia Asturianu article Bill Fagerbakke, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.