El términu bantú refierse a cualesquier individuu perteneciente a los más de 400 grupos étnicos de pueblos melanoafricanos, que falen llingües bantús y que viven al sur d'una llinia que va dende Duala (Camerún) hasta la desaguada del Yuba (Somalia).
Nun entienden un tipu racial nin una cultura uniformes. Les sos creyencies son, na so mayoría, animistes, sacante les d'aquellos grupos cristianizaos o islamizaos.
Tipu | etnia |
---|---|
Relixón | cristianismu, islam y animismu |
Los bantús tán estremaos en cuatro grupos principales. Ente los más carauterísticos figuren, de norte a sur, los fang, bakuba, baluba, lingala, bakongo, hutos, baganda, kikuyos, tongues, bechuanes, hereros, swazi, sotho, zulús y xhosa.
La gran estensión n'África del complexu llingüístico-cultural bantú y la so gran cantidá de falantes débese a un revesosu procesu históricamente conocíu como espansión bantú, aniciáu nel área centro-occidental africana y dirixíu escontra l'este y el sur del continente. Esti procesu desencadenaríase alredor del añu 500, estendiéndose a lo llargo de más de mil años.
Hasta va poco tiempu creyíase que los pueblos que falaben llingües bantús impunxérense fácilmente a otros pueblos teunolóxicamente menos desarrollaos yá que teníen armes de fierro y prauticaben una agricultura intensiva. Pero l'arqueoloxía ta demostrando qu'esti modelu difusionista ye incorreutu, una y bones la metalurxa del fierro yá yera conocida en munches de les árees per onde s'espandieron les llingües bantús.
Son una familia de llingües africanes non afroasiátiques, constituyida por gran númberu y variedá de subgrupos, a la que pertenecen les llingües del África central y meridional, sacante les llingües khoisanes, falaes por pueblos como los Khoikhoi y los bosquimanos. Les llingües bantús, globalmente consideraes, carecen d'unidá, pero tienen delles carauterístiques comunes, como que les sos pallabres terminen siempres en vocal. Ente los grupos llingüísticos bantús con mayor entidá destaquen el zulú, el sotho, el suaḥili, el shona o'l lingala.
This article uses material from the Wikipedia Asturianu article Bantús, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.