Bandera De Bélxica: Bandera
La bandera de Bélxica ta formada per trés bandes verticales iguales de colores negru, mariellu y colloráu; el diseñu vertical ta basáu na bandera de Francia, ente que los colores fueron tomaos del escudu del Ducáu de Brabante.
Les proporciones inusuales de la bandera (13:15) son d'orixe desconocíu.
 Bandera de Bélxica | |
|---|---|
.svg) | |
| Datos | |
| Estáu | Bélxica |
| Fecha d'adopción | 23 de xineru de 1831 (193 años) |
| Proporción | 15:13 |
| Usu |  |
| Colores | negru (#000000) mariellu (#FFE936) bermeyu (#FF0F21) |
| Elementos representaos | campo (es)  (negru, mariellu, bermeyu) |
| Web oficial | |
 | |
La bandera foi adoptada oficialmente'l 23 de xineru de 1831, dempués de la independencia belga del Reinu Xuníu de los Países Baxos en 1830. La mesma xugó un papel importante mientres la revolución y los sos colores sirvieron como recordatoriu d'una vieya enseña con bandes horizontales usada mientres una revuelta anterior en 1789, dómina en que los Países Baxos taben baxu dominiu austriacu.
Historia
.svg)
Dempués de la muerte de Carlomagnu, l'actual territoriu de Bélxica (sacante'l condáu de Flandes) pasó a formar parte de Lotaringia, que tenía una bandera con dos franxes coloraes horizontales dixebraes por una franxa blanca. El territoriu pasó entós a manos españoles, y tres la coronación de Carlos V, emperador del Sacru Imperiu Romanu Xermánicu, añadiéronse'l mariellu y el colloráu, les colores d'España. Dende'l sieglu XVI hasta finales del sieglu XVIII, les colores de lo que güei ye Bélxica fueron el colloráu, el blancu y el mariellu. Dacuando, asitiábase la cruz colorada de Borgoña na sección blanca de la bandera.
Mientres el periodu de dominiu austriacu, probáronse delles banderes distintes. Finalmente, l'emperador d'Austria impunxo la bandera austriaca. La población de Bruxeles oposuse a esto y, siguiendo l'exemplu de Francia, empezaron a apaecer escarapeles coloraes, marielles y negres, siendo los colores de Brabante. Poro, les colores correspuenden al lleón coloráu d'Henao, Limburgo y Luxemburgu, al lleón mariellu de Brabante y al lleón negru de Flandes y Namur.
El 26 d'agostu de 1830, un día dempués de los disturbios na Ópera de Bruxeles y l'entamu de la Revolución Belga, la bandera de Francia ondeaba nel conceyu de Bruxeles. Les insurxentes reemplazaronla apresuradamente por una tricolor de rayes horizontales coloraes, marielles y negres (similar al utilizáu mientres la Revolución de Brabante de 1789-1790 qu'estableció los Estaos Xuníos de Bélxica) fabricáu nuna tienda de teles cercana. Como resultancia, l'artículu 193 de la Constitución de Bélxica describe les colores de la nación belga como Coloráu, Mariellu y Negru, l'orde inversu que s'amuesa na bandera oficial.
El 23 de xineru de 1831, les franxes camudaron d'horizontal a vertical, y el 12 d'ochobre, la bandera algamó la so forma moderna, col negru asitiáu nel llau de izado de la bandera.
Variaciones
-
Bandera y pabellón civil -
Pabellón naval -
Bandera y pabellón gubernamental -
Pabellón especial pa embarcaciones de recréu -
Estandarte real
Referencies
Enllaces esternos
Wiki Commons acueye conteníu multimedia sobre Bandera de Bélxica 
.- Bandera de Bélxica en Flags of the World
Datos: Q12990- Multimedia: National flag of Belgium
This article uses material from the Wikipedia Asturianu article Bandera de Bélxica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.