Atolón D'ujae: Atolón del Pacíficu

Forma parte del distritu llexislativu de la cadena Ralik nes Islles Márxal. Tien una superficie terrestre de namás 1,86 km² qu'enzarren una llaguna de 185,94 km². A 122 km allúgase l'atolón Kwajalein.

Atolón d'Ujae
Alministración
Protectoráu	Nueva Guinea Alemana
País	Islles Márxal
Tipu d'entidá	atolón
Xeografía
Coordenaes	9°03′N 165°39′E / 9.05°N 165.65°E / 9.05; 165.65
Atolón d'Ujae Atolón d'Ujae (Islles Márxal)
Superficie	1.86 km²
Altitú	3 m

Les islles más grandes son Enylamieg y Ebbetyu, dambes despoblaes, y Ujae, onde s'asienta la población y hai una pista d'aterrizaxe. Nel añu 2011 perpasaba los 300 habitantes.

El primer européu n’acolumbrar l'atolón d'Ujae foi l'español Álvaro de Saavedra ’l 21 de setiembre de 1529. Otros avistamientos posteriores foron fechos por Ruy López de Villalobos en xineru de 1543.

L’atolón foi reclamáu pol Imperiu d'Alemaña xunto col restu de les Islles Márxal en 1884. Depués de la Primer Guerra Mundial, la islla quedó baxo’l Mandatu del Pacíficu Sur del Imperiu de Xapón. Al final de la Segunda Guerra Mundial, Lae quedó baxo control d'Estaos Xuníos como Territoriu en fideicomisu de les islles del Pacíficu hasta algamar les Islles Márxal en 1986 la so independencia.

Hai una Escuela d'Educación Primaria. Los estudios secundarios dependen de Kwajalein.

• https://www.ideal.es/sociedad/seis-islas-espana-20170624115054-nt.html
• http://www.undp.org/content/undp/es/home/ourwork/ourstories/Marshall-Islands-Protecting-drinking-water.html