Arte Sacro: Arte de temática relixosa

Mientres el trayeutu de los sieglos el cual reconozse la fe, atopamos que l'arte sacro intenta determinar cada pasaxe y aspeutos divinos per mediu de pintures, escultures y mosaicos. Les representaciones más frecuentes nel cristianismu por casu amuésennos el bautismu, el xuiciu, la crucifixón, la muerte y la resurreición de Xesucristu, tamién nos amuesen a la Virxe María o imáxenes de la Biblia.

A lo llargo de la historia del mundu foi difícil la diferenciación ente l'arte relixoso y l'arte sacro. El primeru amuésanos obres artístiques onde s'amuesa l'amor y la fe en Dios. Sicasí nel arte sacro podemos contemplar lo mesmo que nel relixosu pero qu'amás sirve como cultu a lo divino.

L'arte sacro yera común na Edá Media europea, pero munchos de los mayores maestros fueron mandaos pola Ilesia católica mientres el renacencia. Foi mientres esi tiempu cuando Michelangelo pintó la Capiya Sixtina y talló la Pietà, Gian Lorenzo Bernini creó les columnes na Basílica de San Pedro y Leonardo da Vinci pintó La Última Cena. Unu de les temes cristianes más comunes ye'l d'una muyer (la Virxe María) coyendo nos brazos a un neñu (el fíu, Xesús). La otra tema principal ye'l de Xesús sobre la cruz.

El xéneru del arte sacro perdió la mayor parte de la so puxanza dende la Renacencia, pero les temes son inda populares como amuesa Salvador Dalí nel sieglu XX con obres como la so Crucifixón. Dempués de la Segunda guerra mundial foi presentáu dalgún bon trabayu principalmente por artistes franceses. La corriente estilística que más s'esmoleció pola iconografía cristiana na dómina contemporánea fueron los espresionistes. Hai de solliñar al alemán Emil Nolde, pintor que con el color reflexa una gran espiritualidá, al francés Rouault, un artista que nos enfrenta a la representación de lo invisible, y Jorge Rando, pintor español que nos introduz a una rexón que pertenez al dominiu del interior del individuu.

Por causa de les prescripciones estrictes contra les pintures de xente o animales que podríen causar la idolatría, l'arte islámico desenvolvió un calter únicu, utilizando un númberu de formes primaries: xeométricu, arábigu, floral y caligráficu. L'arte musulmano reflexó la visión del mundu permediada, harmoniosa. Esto enfoca la esencia espiritual más que la forma física. Nun ufierten cuadros de santos nin ilustraciones de les hestories del Corán, pero espresa conceutos fundamentales como la naturaleza infinita de Dios.

La mayor parte del arte tibetano-budista ta rellacionáu cola práutica de Vajrayāna. L'arte tibetano incluyi thangkes y mandales, de cutiu incluyendo les pintures de Budas y Bodhisattves. La creación del arte budista polo xeneral ye fecha como una meditación. El trabayu ta escasamente robláu pol artista. Otra arte del arte tibetano-budista inclúi oxetos metálicos rituales, como'l vashra y el phurba.

• Xeometría sagrada
• Iconu
• Madonna
• Mandilión
• Mandala
• Mandorla
• Pantókrator

• Muséu d'Arte Sacro

•   Wiki Commons acueye conteníu multimedia sobre Arte sacro.
• Fondazione Pro musica y arte sacro
• Muséu Ralli
• historia del arte sacro
• Coleición de grabaos relixosos dixitalizaos na Biblioteca Dixital Hispánica de la Biblioteca Nacional d'España