محمد جودار، تولد ف 21 أبريل 1956 ف دارلبيضا، هو ؤستاد ؤ سياسي مغريبي.
محمد جودار | ||
معلومات عامة | ||
زيادة | 21 أبريل 1956 (68 عام) الدار البيضا | |
لجنسية | لمغريب | |
لحرفة | سياسي، ؤستاد د لماط و مسير رياضي | |
لّوغات لي كيعرف | عربية | |
معلومات خرى | ||
لحيزب | تيحاد دستوري | |
تولد جودار ف أبريل 1956 ف بن مسيك. باه محمد بن عبد الله جودار تولد ف 1930 ف شياضمة ؤ شارك ف لمقاومة لمسلحة ضد ستيعمار لفرانساوي، ؤ تشد ف 10 مارس 1955 ؤ تحبس ف لحبس د دارلبيضا، فين تقتل ف 21 مارس.[مصدر؟] قبل مايدخل جودار ل سّياسة، خدم ؤستاد ديال لماط.
ف 2007، دخل ل مجليس نّواب مورما ربح نتيخابات تشريعية ف دايرة د بن مسيك. مازال باقي برلاماني حتال دابا، مورما عاود ربح لمقعد ديالو ف تلاتة لولايات من بعد.
تنتاخب ب تصفيق أمين عام ديال حيزب تيحاد دوستوري ف 1 أكتوبر 2022 بلاصت محمد ساجد.
جودار هو رايس د لفرقة د لفتح لبيضاوي د كورة لي كاتلعب ف لقيسم لّول هواة. ف 2011، تنتاخب رايس د لعصبة د دارلبيضا د كورة ؤ مازال باقي ف لپوصط ديالو مورما تجدد تلاتة د لمرات.
ف 2014، دخل معا فوزي لقجع ف ليستة لي ترشح بيها ل لجامعة لملكية لمغريبية د لكورة، ؤ ولا موراها رايس د لجنة تنضيم لمسابقات ف لمكتب لمديري.
تنتاخب ف 2009 كاتب عام د جمعية ولاد شوهادا د ستيقلال ف دارلبيضا.
ف 2009، قبل من لفينال د دوري أبطال لعرب بين لوداد لبيضاوي ؤ ترجي تونسي، ضرب جودار رايس د لجنة تنضيم د لوداد عبد لحميد حسني طّاسيلي قدام نّاس لي حاضرين حيت ماخلاهش يڭلس ف لمنصة شرفية. بجوجهم من بعد دارو شيكاية عند لبوليس.
ف دجنبر 2019، خرجات ڤيديو د جودار بان فيها مابغاش يعطي ل لكونطرول لورقة ديال تران ؤ هدد باش يعيط ل لمودير ديالو. صّحافة عتابرو بلي لفعلة لي دار راها إهانة ل موضاف كيدير خدمتو. دار جودار موراها توضيح قال فيه بلي لڤيديو حرّف شنو وقع بصاح ؤ بلي راه عطا لورقة ل لكونطرول حيت موالف يديرها.
هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article محمد جودار, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.