لحماية الصبليونية على لمغريب
لحماية الصبليونية على لمغريب (ب الصبليونية: Protectorado español de Marruecos)، اللي تسما تا لإستعمار الصبليوني على لمغريب، كان هو النظام اللي طبقاتو صبانيا على لبلايص د لمغريب اللي حتلاّتهم من 1912 ل 1975.
الراية ديال لحماية الصبليونية ف لمغريب.
خريطة فيها لبلايص د لمغريب اللي حتلاّتها صبانيا (ب لوردي و لحمر).
بدات لحماية الصبليونية على لمغريب من بعد ما اتّافقات صبانيا مع فرانسا على كيفاش أيتقاسمو لأراضي د لمغريب ف لمعاهدة اللي كانت بيناتهم ف 27 نونبر 1912. من مورا هاد لمعاهدة، حكمات صبانيا لمنطقة ديال الشمال (جبالة و الريف)، و سيدي إيفني و طرفاية و الصحرا. لعاصمة ديال هاد لمناطق كاملة كانت هي لمدينة ديال تطوان، و فيها فين كان كيسكن لخليفة السلطاني.
لإستقلال
لإستقلال ديال لمناطق د لمغريب اللي حتلاتها صبانيا ماكانش ف وقت واحد، كل وحدا و قتاش ستاقلات.
الشمال
ستاقل الشمال نهار 7 أبريل 1956، فنفس لعام اللي ستاقل فيه لوسط اللي كان تابع للحماية لفرانساوية.
طرفاية
مورا حرب بداها جيش التحرير ديال لجنوب، تلاقاو لووزارا د لخارجية د لمغريب و صبانيا و سيناو لإتفاقية ديال سينطرا ف 1 أبريل 1958، اللي رجعات بيها طرفاية و لمنطقة ديالها للمغريب.
سيدي إيفني
رجعات سيدي إيفني للمغريب نهار 5 يناير 1969 مورا ما حكماتها صبانيا 108 د لعوامات.
الصحرا
خرجات صبانيا من الصحرا ف نونبر 1975، من مورا لمسيرة لخضرا.
عيون لكلام
 | تقدر تزيد شوف بزاف د تّصاور و لمعلومات ديال Spanish Morocco ف ويكيميديا كومنز. |
This article uses material from the Wikipedia داريجة article لحماية الصبليونية على لمغريب, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.