Дженнифер Энн Даудна (английлап Jennifer Anne Doudna; 1964 јылда кочкор айдыҥ 19-чы кӱнинде, Вашингтондо чыккан) — американ биохимик ле генетик, геномиканыҥ шиҥжӱчизи, CRISPR-Cas9 деп геномды кубулткан шиҥжӱчилердиҥ бирӱзи.
Кӧп саба иштери структуралык биология ла биохимия керегинде. Нобельдиҥ химия аайынча сыйыныҥ лауреады, (2020, Эмманюэль Шарпантьеле кожо) редактирования генома деп иш учун.
Дженнифер Даудна | |
---|---|
английлап Jennifer Anne Doudna | |
Энедеҥ чыгарда ады | английлап Jennifer Anne Doudna |
Чыккан ӧйи | кочкор айдыҥ 19 кӱни 1964 (60 јаш) |
Чыккан јери | |
Ороон | |
Иш-тоштыҥ бӱдӱми | биохимик, молекулярный биолог, преподаватель университета, химик, кристаллограф |
Эш-нӧкӧри | Jamie H. D. Cate[d] |
Кайралдары ла премиялары | Астурий принцессаныҥ билим ле техникада једимдер учун сыйы[d] (2015) Доктор Пол Янссенниҥ биоэмчиликте шиҥжӱлер учун сыйы[d] (2014) Доктор Г.П.Хайнекенниҥ биохимия ла биофизика аайынча сыйы[d] (2016) Мэссриниҥ сыйы[d] (2015) Танныҥ сыйы[d] (2016) Алан Уотерманныҥ сыйы[d] (2000) Габаевтиҥ сыйы[d] (2014) Луриниҥ биоэмчиликте сыйы[d] (2014) Уоррен Альперттиҥ сыйы[d] (2016) Круновская лекция[d] (2018) Јопонныҥ сыйы[d] (2017) Харвиниҥ сыйы[d] (2018) Ф.А.Коттонныҥ сыйы[d] (2017) Нобельдиҥ химияла сыйы[d] (2020) Гуггенхаймниҥ сыйы[d] (2020) премия Ниренберга[d] (2019) Джон Скоттыҥ медали[d] (2016) |
Бу иштери учун ол бастыра јерде јарлу боло берген. Эманюель Шарпантьеле эку шиҥжӱлӱ иште баштапкы болгондор. РНК-интерференции, CRISPR/Cas9 — бу ачылталарбиологияныҥныҥ тӱӱкизинде эҥ ле учурлу болгоны јарт.
Дженифер Даудна — философияныҥ докторы (1989), Берклиде Калифорний университеттиҥ профессоры, Говард Хьюзаттыҥ эмчилик институдыныҥ шиҥжӱчизи (1997), США-да Национал билим Академияныҥ (2002) ла Эмчилик академияныҥ (2010) турчызы, Лондондо каандык биригӱниҥ турчызы (2016).
Дженифер јети јашту болордо оныҥ билези Гавайи ортолыкка кӧчӱп келген. Ондо адазы Гавай университетте студенттерди англий литературага, энези коледжте тӱӱкиге ӱредип баштагандар. Чайкыр кӧстӱ Дженнифер азиат укту тургун балдардаҥ чек башка болгон, ол јаҥысканзырап, бичиктеди кӧп кычырып, талайдыҥ јарадыла, койу агаш аразыла базып, вулканнаҥ улам табылган јуука-јаратту јерлерди сонуркап шиҥжӱлеп туратан.
Дженнифер Помонныҥ колледжин божоткон (химияныҥ бакалавры, 1985). 1989 јылда Гарвардта биохимияда биологияныҥ докторы, Джек Шостак башкараачызы болгон, кийнинде Шостак Нобельдиҥ лауреады боло берген (2009). Дженнифердиҥ билимде иштери РНК керегинде болгон.
2002 јыдаҥ ала ол Берклиде Калифорний университетте иштеген, эмдиге јетире ондо химияда молекуляр ла клеточный биологияныҥ профессоры болуп иштейт. Кеендиктиҥ Американ академиязыныҥ турчызы (2003), фелло National Academy of Inventors (2014), ракты шиҥдеер Национал Академияныҥ турчызы (AACR Academy, 2017).
Дженнифер Даудна 200-теҥ артык шиҥжӱлӱ иштербичиген кижи.
2017 јылда Дженифер Дауднаныҥ ла Сэмюэль Стернбергтиҥ кожо бичиген ижи чыккан: Трещина в мироздании. Геномды кубултары: ол эволюцияны башкарар кайкамчылу арга, орус тилге кӧчӱрилген (2019).
Эш нӧкӧри Джейми Кейт — Калифорний университетте Берклидепрофессор, уулы — Эндрю Даудна-Кейт (2002).
This article uses material from the Wikipedia Алтай article Даудна, Дженнифер, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ӧскӧзи кӧргӱзилбеген болзо, контентти CC BY-SA 4.0 лицензияла эдинерге јарар. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Алтай (DUHOCTRUNGQUOC.VN) is an independent company and has no affiliation with Wiki Foundation.