Dr Zyböri – wo mit em bürgerleche Name Theodor Bucher gheisse het – isch e Luzärner Wyhändler, Musiker und Mundartschriftsteller gsi.
Er isch am 28. Mai 1868 z Hergiswil im Nidwaldnische uf d Wält cho und isch am 29. Dezämber 1935 z Luzärn gstorbe.
Dr Theodor Bucher het scho früh gärn d Lüüt underhalte; er isch als Zauberkünschtler, Buchredner und Sänger ufträtte. Fascht alli syni literarische Wärch het er under em Name Ziböri gschribe, was luzärndütsch für «Theodor» isch, eimol het er au under em Name Rohrspatz publiziert.
Er het Mundartgedicht gschribe; anne 1909 isch sin erscht Gedichtband usecho, wo 100 wildi Schoss heisst. Dezue ane er het au Theaterstück gmacht. Er gilt er als eine vo de bedütendschte Luzärner Mundartschriftsteller us de «klassische Zyt», wie-n-ere de Germanischt Walter Haas gseit het. I sine Gedicht chöme hüüffig Gedanke vor, wo mit algemeine Läbensgfüel z tue händ, und drum isch es nid lang ggange, und vil vo dene Stück sind vo Komponischte für Jodellieder gsetzt worde, bsunders vom Luzärner Musiker Alfred Leonz Gassmann und em Jooscht Marty.
Es bar Gedicht von iim sind i dr Anthology Schwyzer Meie abtrukt.
Derno het denn au sin Soon, dr Walter Bucher, under em Psöidonym Zyböri junior au Mundartsache gschribe, Gedicht und Churzgschichte, wie me i dr Zytschrift Schwyzerlüt vo anne 1954 cha läse.
This article uses material from the Wikipedia Alemannisch article Zyböri, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.