Dr Wolfgang Kleiber (* 21.
Dialäkt: Undermarkgreflerisch |
November">21. Novämber 1929 z Fryburg i. Br.; † 4. Juni 2020) isch e dytsche Sproochwisseschaftler gsii un vu 1970 bis zue syre Emeritierig 1997 Brofässer fir Histoorischi Sproochwisseschaft an dr Universiteet Mainz.
Dr Wolfgang Kleiber het an dr Universiteet Fryburg Germanischtik, Romanischtik und Gschiicht studiert. In syre Haimetstadt het er anne 1955 iber Die Flurnamen von Kippenheim und Kippenheimweiler. Ein Beitrag zur Namenkunde und Sprachgeschichte am Oberrhein promoviert, het s 1959 s Staatsexamen abglait un 1968 habilitiert mit em Thema Otfrid von Weissenburg: Untersuchungen zur handschriftlichen Überlieferung und Studien zum Aufbau des Evangelienbuches. Vu 1957 bis 1970 isch er Laiter vu dr germanistische Abdailig vum Inschtitut fir Gschiichtligi Landeskund z Fryburg gsii.
Anne 1970 isch dr Ruef an dr Johannes-Gutenberg Universiteet Mainz as Brofässer fir Histoorischi Sproochwisseschaft chuu. Ab 1976 het dr Kleiber am Institut für Geschichtliche Landeskunde an der Universität Mainz (IGL) d „Abteilung II: Sprach- und Volksforschung“ glaitet, wu anne 1974 uf sy Initiatiiv yygriichtet wooren isch, un isch glychzytig bis 2003 zweete Vorsitzer vum Inschtitut. In syre Amtszyt isch d Publikazioonsraie „Mainzer Studien zur Sprach- und Volksforschung“ ins Lääbe gruefe woore. Anne 1979 het er zäme mit em Heinrich Löffler un em Konrad Kunze dr Histoorische sidweschtdytsche Sproochatlas uusegee. Unter dr Projäktlaitig vum Kleiber isch in dr Joor 1979 bis 1996 dur interdisziplineeri un internazionaali Zämenaarbet dr meebändig Wortatlas der kontinentalgermanischen Winzerterminologie (WKW) entstande, gfeerderet vu dr Volkswagenstiftig un dr Dytsche Foorschigsgmainschaft (DFG).
Dr Kleiber isch Mitgliid bi vyl wisseschaftlige Greemie un Verainigunge gsii, dodrunter syter 1975 vu dr Akademie der Wissenschaften und der Literatur Mainz.
No syre Emeritierig anne 1997 isch er wyter aktiiv bliibe un het si wider em Otfrid von Weißenburg gwidmet, wu scho Thema vu syre Habilitazioonsschrift gsii isch. Vu 1999 bis 2003 isch di au DFG-gfeerderet vierbändig Neiuusgaab vu s Otfrids Evangeeliebuech uusechuu.
Im Juni 2020 isch dr Wolfgang Kleiber im Alter vu 90 Joor gstoorbe.
Dr Kleiber het gfoorscht iber Dytschi Sproochgschiicht, Dialäktology, Volks- un Namekund mit Schwäärpinkt uf romaanisch-germaanischem Sproochkontakt, historischi Fachsprooch un Dialäktkartografy, un au mittelalterligi Literatuer.
Dr Wolfgang Kleiber het e Hufe wisseschaftligi Publikazioone gschriibe un rusgee.
as Rusgeeber
Dä Artikel basiert uff ere fräie Übersetzig vu dere Version vum Artikel „Wolfgang_Kleiber_(Sprachwissenschaftler)“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Wolfgang Kleiber, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.