De Huheler (Bubo bubo; alemanischi Näme) isch di grööscht Üülenart vo Europa, wo s ganz Joor i Mitteleuropa bliibt. Er isch vor alem i de Alpe bis zu 2600 müM z finde und im tütsche Mittelgebirge.
De Huheler isch e bruune gscheggete Vogel mit eme rundliche groosse Chopf und lange Federoore. Sini Auge sind orangsch. Er het e chliine Schnabel. Mandli und Wiibli gsiend gliich uus. Huheler wered 59 bis 73 cm grooss, hend e Spannwiiti vo 138 bis 180 cm und wöged anderthalb bis drüü Kilo.
Lebeswiis
De Huheler lebet i Piet, wo sich Wald und Feld abwechslet, mit Felse und alte Bömm. Er baut kai Nest und brüetet inere Felsnische oder uf alte Bömm. Er jagt znacht Müüs, Ratze, Hase, Vögel und au Igel, woner uf de Rugge cheert und dene de Buuch uufschlitzt.
This article uses material from the Wikipedia Alemannisch article Uhu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.