Dr Stefan Uroš IV.
Dušan dr Gwaltigi (serb. Silni), au Stefan Dušan oder Nemanjitsch IX., (* 1308; † 20. Dezämber 1355) isch Herrscher vo Serbie gsi und het vo 1331 bis 1355 regiert.
Stefan Uroš IV. Dušan | |
---|---|
Regierigsziit | 8. Septämber 1331 – 16. April 1346 as Köönig vo Serbie 16. April 1346 – 20. Dezämber 1355 as Kaiser vo de Serbe und Grieche |
Uf d Wält cho | öbbe 1308 |
Gstorbe | 20. Dezämber 1355 (im Alter vo 47) |
Dodesort | Devoll |
Begrabe | Häilige Erzängel Chloster, Prizren. (Noch 1927 in dr Häilige Markus Chille, Belgrad) |
Vorgänger | Stefan Uroš III. Dečanski, Köönig vo Serbie |
Nochfolger | Stefan Uroš V., Kaiser vo de Serbe und Rhomaer |
Verhürotet mit | Helena vo Bulgarie |
Si Noochfolger uf em serbische Droon isch si Sohn Stefan Uroš V., gnennt „dr Schwachi“, gsi.
Dr Stephan Dušan isch us em serbische Aadelshuus vo de Nemanjide gstammt, wo 1192 d Herrschaft übernoo het. Doorum het men em au Nemanjitsch IX. gsäit. 1331 het er dr Droon vo sim Vater usurbiert und het sich mit dr Understützig vo Aadlige sälber zum Köönig vo Serbie erhoobe. Am 8. Septämber het er sich z Skopje kröönt. Er het bis 1355 regiert und isch dr mächdigsti Köönig im südöstlige Öiropa gsi. Er het sich as Generaal, Regänt und Gsetzgääber uusedoo. D Hauptstadt vo sim Riich isch Prizren gsi, denn vo 1345 aa, won er sich zum Zar vo de Serbe und Rhomäer erhoobe het, Skopje. Si Regierigszit gältet hüte as s Goldige Zitalter vo Serbie.
Vorgänger Stefan Uroš III. | Serbischi Monarche 1331–1355 | Nochfolger Stefan Uroš V. |
This article uses material from the Wikipedia Alemannisch article Stefan Uroš IV. Dušan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.