Ratko Mladić

März">12. Merz 1942 z Božanovići, hüte Bosnie und Herzegowina) isch en ehemolige bosnisch-serbische General, wo vo 1992 bis 1996 Oberbefählshaber vo dr Armee vo dr bosnische Serberepublik (Republika Srpska) gsi isch, wo international nit anerkennt worden isch. As sonige wärde ihm e Hufe Chriegsverbräche und Verbräche gege d Menschlikeit während em Bosniechrieg zur Last gleit, drunder im Zsämmehang mit dr knapp vierjöhrige Belagerig vo Sarajevo und em Massaker vo Srebrenica im Juli 1995, wo bis zu 8.000 bosnischi Manne und Jugendligi ermordet worde si. Gegen e Mladić git s sit 1995 en Aachlag vom Internationale Stroofgrichtshof für s ehemolige Jugoslawie, won er zsämme mit em Radovan Karadžić am blante Völkermord an de bosnische Muslime beschuldigt wird. Er het sich fufzäh Johr lang vor de Behörde chönne verstecke, isch denn aber am 26. Mai 2011 z Serbie festgnoh und am 3. Juni 2011 vor Gricht gstellt worde. Am 22. November 2017 isch er wäge Völkermord und andere vo elf Aachlagpünkt für schuldig gsproche und zue läbeslanger Haft verurtäilt worde.

  Commons: Ratko Mladić – Sammlig vo Multimediadateie

• Aaklagschrift vom UN-Chriegsverbrechertribunal gege dr Mladić