Dr Gaius Plinius Secundus Maior, churz Plinius dr Elter (Latiinisch Plinius maior) (* öbbe 23 z Novum Comum (em hütige Como); † 25.
August">25. August 79 z Stabiae) isch e römische Gleerte gsi, wo mä nid mit sim Adoptivsoon Gaius Plinius Caecilius Minor sött verwäggsle, wo dur sini Brief bekannt worde isch.
Dr Plinius chunnt von ere vermöögende römische Ridderfamilie. Er isch uf Rom gange, het dr Publius Pomponius Secundus, e Dragödiedichter und Fäldheer, kenne gleert und isch bekannt gsi mit de beste Familie. Er isch Offizier worde in de Browinze und isch im Joor 52 zrugg uf Rom choo. Er het nie ghürootet und het wo si Schwöster gstorben isch, deren iire Bueb adoptiert, wo als Plinius dr Jünger bekannt isch.
Dr Plinius e natuurwüsseschaftligi Enziklopedii, d Naturalis historia (Natuurgschicht) verfasst, wo 37 Bänd het und sis äinzige Wärk isch, wo erhalte isch. Er schribt din über Anthropologii, Arzneie us Pflanze- und Diersubstanze, Botanik, Ethnografii, Gaartebau, Geografii, Kosmologii, Kunstgschicht, Medizin, Metallverarbäitig, menschligi Füsiologii, Mineralogii, die Schöne Künst und Zoologii. D Fakte het er us öbbe 2000 Büecher vo 100 verschidnige Autore zämmedräit. Sini andere Wärk, wie e Biographii vo sim Fründ Quintus Pomponius Secundus und Gschichtsbüecher si nid erhalte.
Dr Plinius isch im Joor 79 bim Usbruch vom Vesuv bim ene Rettigsversuech in dr Nööchi vom Vulkan am ene Härzinfarkt gstorbe.
Gaius Plinius Secundus im dütschsprochige Wikisource
Dä Artikel basiert uff ere fräie Übersetzig vu dere Version vum Artikel „Plinius_der_Ältere“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Plinius der Ältere, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.