Dr Olifr M.
Guz, au GUZ, buurgerli Oliver Maurmann (* 2. Dezember 1967 z Konschtanz; † 19. Jänner 2020 z Züri), isch e Schwyzer Sänger un Musiker gsii. Mer chänt en as Sänger vu dr Aeronauten.
Dr Maurmann het uf Hoochdytsch, uf Schwyzerdytsch oder au mänkmol uf Änglisch oder Franzeesisch gsunge. Ä hetmit verschiidnige Musikgenres wie Fun-Punk, Soul, Rock-Pop, Ska un Country gspiilt. Är het in dr Musikformazioone „Averells“, „PSOZ“, „Freds Freunde“, „The Hunchbacks“, „Die Aeronauten“, „The Buffalo Ballet“, „Chabis!“, „Raumpatrouille Rimini“, „Freds Freunde Revival Band“ un „Die Zukunft“ mtigmacht. Dr GUZ het au bi diveerse obskuure Rock’n’Roll-Projäkt mitgmacht („Die Zorros“, „Jerry J. Nixon“, „Zeno Tornado“). Mit em 2015 grindeten Elektro-Blues-Duo Naked in English Class (Olifr M. Guz un Taranja Wu) isch dr Guz zwische 2017 un 2019 in verschiidene urbaane Schwyzer Club un uf Feschtival ufdrätte ub het bim Zürcher Independent-Label Ikarus Records vier Albe uusebroocht. Au mit dr Aeronaute het dr Guz 2019 zlescht no Kunzäärt gee in dr Schwyz.
Dr Guz het näbe meerere MC un LP vier im aigene Toonstuudio „Star Track“ z Schafuuse produzierti Sooloo-CD uusebroocht.
In dr SRF-Mundart-Serie Güsel (2014–2015) het dr Oliver Maurmann an dr Syte vum Gabriel Vetter dr Abfalldetektiv Oli gspiilt.
Uf em Album Wer mich leiden kann kommt mit mit dr dytsche Skaband Frau Doktor het s es Lied Guz e.V., wu iim gwidmet isch.
Dr Guz isch im Jänner 2020 im Universiteetspitaal Züri im Alter vu 52 Joor an dr Flge vun eme Häärzinfarkt gstoorbe. Är het e baar Joo ruf de Spänderhäärz gwaartet ghaa.
Dä Artikel basiert uff ere fräie Übersetzig vu dere Version vum Artikel „Olifr_M._Guz“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Olifr M. Guz, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.