Kärnspaltig (änglisch nuclear fission) bezäichnet e Brozäss in dr Kärnfüsik, won e Atomkärn in zwäi oder mee Bestanddäil gspalte wird und drbi Energii freigsetzt wird.
Dr Kärnspaltig wird mänggisch au as Kärnfission (latiin. fissio ‚s Spalte‘) bezäichnet – was nit mit Kärnfusion wo zwäi Atomkärn drbii verschmelze daf verwäggslet wärde. De Stoff, wo dur d Spaltig entstöön, säit mä Spaltbrodukt.
E baar Arte vo Atomkärn (Nuklid) spalte sich ooni Iiwirkig vo usse. Die spontani Spaltig isch en Art vom radioaktive Verfall. Mä cha sä quantenmechanisch mit em Dunneleffäkt erklääre, wo äänlig wie dr Alpha-Zerfall isch.
In dr Braxis isch aber die induzierti Spaltig wichdiger. Bi dere Kärnreakzioon drifft e freis Däili, mäistens e Neutron, zuefellig uf e Kärn und wird von em absorbiert. Dr Kärn gwünnt dur das Bindigsenergii und eventuelli kinetischi Energii vo däm Neutron, chunnt dorum in en aagregte Zuestand und spaltet sich. Näbe dr Spaltig git s au anderi Möögligkäite, zum Bischnil cha s Neutron iigfange wärde, dr aagregti Atomkärn straalt e Gammaquants ab, regt sich eso ab und isch wider im ene stabilen Zuestand.
Dä Artikel basiert uff ere fräie Übersetzig vum Artikel „Kernspaltung“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Kernspaltung, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.