Dr Fritz Hans Schweingruber (* 29.
Februar">29. Februar 1936 z Chrouchtu, BE; † 7. Jänner 2020 z Biirmischtoorf, ZH) isch e Schwyzer Dendrochronoloog un Brofässer fir Walddynamik un Dendrowisseschafte gsii.
Dr Fritz Schweingruber isch zeerscht Primarleerer un Organischt gsii. Bis anne 1965 het er nyyn Joor lang an Schuele im Ämmitau unterriichtet. Derno het er Botaanik, Zoology, Geology un Ur- un Friegschiicht an dr Universiteet Bärn studiert un derno Holzbiology an der ETH Züri. Wun er dr eseschtryychisch Botaniker Bruno Huber chännegleert het, het des sy Inträssi gweckt fir di dendrochronoloogisch Foorschig. 1972 het er in sischtemaatischer Pflanzesoziology promoviert.
Noch ere Zyt as Biologyleerer am Gimnasium Köniz bi Bärn un an dr Privaatschuel Dr. Feusi het er ab 1971 an dr Aidgnessische Foorschigsaaschtalt fir Wald, Schnee un Landschaft WSL z Biirmischtoorf gschafft. Deert het er d Foorschigsgruppe Dendrochronology ufböue. Anne 1976 het er e usseroordeligi Brofässuur an dr Universiteet Baasel mit dr Habilitation «Prähistorisches Holz» iberchuu.
An dr WSL het dr Schweingruber s Noordhemisphärisch dendroklimatoloogisch Daatenetz in Zämenaarbet mit em Keith Briffa (Climatic Research Unit Norwich), em Jewgeni Waganow (Sibiirischi Federaal Universiteet Krasnojarsk) un em Stepan Schijatow (Uraalischi Federaal Universitet Jekaterinenburg ufböue. Doderzue het er Expedizioone uf Weschteuropa, USA, Kanada un Sibiirie organisiert. Är het Studänt*ine vu dr Universiteete Baasel. Züri, Bärn, Stuegert, Grenoble, Marseille, Teheran un Abakan uusbildet. Är het di «Internazionaale dendro-ekoloogische Fäldwuche» (ab 1986) un di «Internazionaale dendro-anatoomische Wuche» (ab 2001) ins Lääbe grufe un het die bis anne 2019 glaitet.
Zue syne Publikazioone gheere d Leerbiecher Der Jahrring, Dendroökologie, Wood Structure and Environment, Mikroskopische Holzanatomie, Europäische Holzanatomie un The Plant Stem.
Syt syre Emeritierig 2001 het het e Gaschträächt an dr WSL ghaa un het wyter gfoorscht mit drSchwäärpinkt Taxonoomisch-anatoomisch-dendrochronoloogischi Analys vu Chryter un Zwäärgstryycher. E zäntraal Projäkt isch dooderbyy d Altersbstimmig un Anatomy vu Hoochgebiirgspflanze in dr Alpe un em Himalaya gsii.
Dä Artikel basiert uff ere fräie Übersetzig vu dere Version vum Artikel „Fritz_Hans_Schweingruber“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Fritz Hans Schweingruber, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.