Dööm

Dr ofiziell iteliänisch Name isch Domodossola.

Domodossola
Staat:	Italie
Region:	Piemont
Provinz:	Verbano-Cusio-Ossola (VB)
Koordinate:	, 8° 18′ O46.18.327046° 6′ 0″ N, 8° 18′ 0″ O
Hechi:	270 m s.l.m.
Flechi:	36 km²
Yywohner:	17.684 (31. Dez. 2022)
Bevelkerigsdichti:	491 Yyw./km²
Poschtleitzahl:	28845
Vorwahl:	0324
ISTAT-Nummer:	103028
Demonym:	domesi
Schutzpatron:	Gervasius und Protasius
Website:	www.comune.domodossola.vb.it
en Blick uf Domodossola us de Vogelschau

Uf Düütsch het Domodossola dr Name «Tüem» oder «Duum» übercho; d Walser säget ere «Dööm».

Die Stadt het en inträssanti Namensgschicht. Bi de Röömer het si uf latyynisch zerscht «Oscella Lepontiorum» und spöter «Domus Ossulae» gheisse. Do druss isch dr hüttig iteliänisch Ortsname entstande. I dr yheimische lombardische Sprooch heisst si «Dòm».

D Stadt lyt im Eschetaal am rächten Ufer vo dr Ryss. Si isch di zweitgröschti Stadt vo dr Provinz Verbano-Cusio-Ossola. Zum Stadtgebiet ghöre d Kwartier Mocogna, Castanedo, Badulerio, San Quirico, Quartero, Anzuno, Maggianigo, Calice, Borgata Casa Delle Rane, Calvario, Cisore, Corte, Gabi Valle, Boschetto, Siberia und Nosere.

Domodossola isch e Vercheerschnotepunkt. Im Nochberdorf Crevadossola zweigt d Passtrooss übere Simplon vo dr Talstroos, wo wyter ufe is Pomatt goot, ab. E Strooss git’s is Bognancotaal, und no eini is Vigezzotaal. Im Baanhof bi dr Stadt foot d Bärgstrecki vo dr Ysebaan aa, wo zum Simplundunnel ufe stygt und wyter uf Brig füehrt. Gägen Oschte fahrt me vo Dööm uus mit dr Centovallibaan uf Locarno in dr Schwiiz.

•  
  am Määrtplatz
•  
  en Altstadtgass
•  
  en anderi Altstadtgass
•  
  d Kollegiatschile Santi Gervasio e Protasio
•  
  da drin isch en Sacro Monte
•  
  Räschte vo de Matarella-Burg

  Commons: Domodossola – Sammlig vo Multimediadateie

• Domodossola uf dr Website vo de iteliänische Gmeinde