Apron (Zingel asper) in der Loue
Apron | ||||||||||
---|---|---|---|---|---|---|---|---|---|---|
Systematik | ||||||||||
| ||||||||||
Wüsseschaftlige Name | ||||||||||
Zingel asper | ||||||||||
(Linnaeus, 1758) |
De Apron oder Roi du Doubs (frz. »Doubs-König«), uf tütsch au Rhônestreber (Zingel asper; alemanischi Näme) isch e Süesswasserfisch, wo ganz empfindli uf Wasserverschmutzig reagiert. Er isch starch bidroot und chorz vor em uussterbe.
De Apron isch e dünne länglich Fisch, wo 15 bis 20 cm lang werd. Er het e bruu-schwarz gfleckte Körper, de Rugge isch dunkler. De Buuch und di groosse Flosse sind wiissslich.
De Apron isch en endemische Fisch vom Rotte underhalb vo Gempf und au i de Nebeflüss. Hütt lebt er nume no i vier Flüss. Im Doubs im Kantoo Jura und z Frankriich i de Drôme (Dép. Drôme) und i de Durance und Beaune i de südfranzösische Alpe. S werd agnoo as zur Zitt im Ganze nöd mee as 500 Exemplar lebet, dodevo rund 50 i de Schwiz.
De Apron mag suberi klari Flüss mit ere määssige Ströömig und eme stainige Grund. Je noch Population lebt er endweder im Flachwasser, mengisch aber au a Stele under 120 cm. De Apron isch e nachtaktive Bodefisch, wo de Grund noch Würmer und Schnegge absuecht.
D Laichzitt goot vom Februar bis in April. S Wiibli lait 5000 bis 6000 Aier, wo am Chiis chlebe bliibet. Noch öppe 14 Taag schlüüffet d Larfe binere Wassertemperatur vo 13 Grad. Di erste zwee Mönet lebet d Fischli vo Plankton. De Apron werd im zwaite oder dritte Joor gschlechtsriif und werd nu grad 4 Joor alt.
This article uses material from the Wikipedia Alemannisch article Apron, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.