Alb-Leisa

D Alb-Leisa isch anno 2012 in d Arche des Geschmacks bi Slow Food Dütschland ufgnomma wore. In dr Erzuigergmoinschaft send zur Zeit 70 Kloinbetriebe. D Vermarktung macht d Lauteracher Alb-Feld-Früchte, wo vormols als Biohof Mammel firmieret hod. Vor allem in dr Region Bade-Wirtebearg und Bayern, abr au über Webshops.

Bis in d 1950 Johr isch d Schwäbisch Alb und Umgebung s Zentrum vom Leisaabau z Dütschland gwea. Nacher isch dr Leisaabau in dr Region vollkomme eigschloffa, ear hod si nimme rentiiret. 1985 hod dr Biohof Mammel z Loudere wieder midm Leisaabau aagfangt. D Nachfrag isch langsam aagstiege. 2001 send au andri Biohef am Leisaabau interessiiret gwea und es isch d Öko-Erzeugergemeinschaft Alb-Leisa gründet wore.

Renaissance vo d schwäbisch Leisasorte

D traditionelle schwäbisch Leisasorte send 1985 scho verschwunde gwea, eso hand dr Biohof Mammel und spader d Erzuigergmoinschaft d franzesische Puy-Leisa aabaut. Anno 2006 send in dr Genbank vom St. Petersburger Wawilow-Institut klassische schwäbisch Leisasorte entdeckt und nach Dütschland bracht wore. Seitdem were si wieder uf dr Schwäbisch Alb aabaut.

Zur Zit were drei Genotype davo uf dr Schwäbisch Alb gnutzt, wo unter dr Bezoichning Alb-Leisa vo dr Erzuigergmoinschaft gschitzt send. Es send d klassische schwäbisch Sorte vom Zichter Fritz Späth aus Hoagerloch: „Späths Alb-Leisa kloin“, „Späths Alb-Leisa groß“ und „Späths Heller-Leisa“.

• Brenntar
• Muasmähl
• D schwäbisch Kuche

• Webseite vo dr Erzeugergemeinschaft Alb-Leisa
• Regionales aus St. Petersburg: Ein schwäbisch-russisches Linsen-Märchen uf bioland.e
• Die guten ins Töpfchen... Die Renaissance der "Alb-Linsen". SWR2 Wissen, abgruefen am 4. Juni 2013.