Usono malpermesas eniron al ĉiuj kiuj en la lastaj 14 tagoj troviĝis en Britio, Irlando, la Ŝengenregiono aŭ Suda Afriko.

Britio uzas liston da landoj kiuj estas konsiderataj sufiĉe sekuraj por ne bezoni fari ion ajn je alveno. Ĉiuj aliaj landoj bezonigas 14-tagan memizoliĝon post alveno. Lasttempe tio estis striktigita al bezono memizoliĝi en mempagata multekosta hotelĉambro.

La Eŭropa Unio uzas ene de si koloran sistemon por indiki riskajn regionojn, sed provas laŭeble ne strikte fermi la landlimojn por respekti Ŝengen-interkonsentojn.

Inter la 28-an de novembro 2020 kaj ĝis la 31-an de januaro 2021, ĉiu eksterlandano devas kunporti negativan teston, kiu datiĝas malpli ol 72 horoj, por havi la rajton eniri Kartvelion. Eblas fari la teston surloke en la flughaveno.

Turkio ekde la 30-a de Decembro neprigas negativan teston por permesi eniron.