簽名 簡要生平
細個喺阿爺嘅影響下學演奏手風琴 ,並喺佢嘅帶領下成日喺烏克蘭 境內嘅敖德薩 進行業餘演出。10幾歲嘅時候進入敖德薩音樂學院學習。佢音樂學院院長安那托利·帕多卡驚嘆Vitas係「上天賜予的禮物」。佢喺2006年同交往7年嘅女友結婚, 目前有一女一仔。
從敖德薩將Vitas發掘出來嘅係俄羅斯 著名音樂製作人謝爾蓋·普多夫金(Sergey Pudovkin )。普多夫金喺敖德薩聽過佢唱嘅錄音帶後,慨嘆自己「發現了俄羅斯音樂的天才」。好快,Vitas就跟普多夫金嚟到莫斯科 ,並正式開始以Vitas做藝名上俄羅斯樂壇。
2000年,Vitas喺克里姆林宮 因演唱《歌劇2》取得空前嘅成功,佢迅速做咗全世界矚目嘅流行巨星。佢嘅成名曲《歌劇2》(英文 :Opera 2 ,俄文 :Опера 2 )係俄羅斯年度最受歡迎嘅單曲。呢首單曲入面,Vitas達到soprano C嘅高音,極富震撼力。被叫做「俄羅斯音樂教母」嘅著名歌唱家普加喬娃 喺聽咗佢唱嘅《歌劇2》之後話:「我激動得流淚了,無論是為了音樂,還是為了他的表演。」
到依家,Vitas出過14張CD專輯同2張單曲專輯,大部分以俄語 演唱。截至2005年年頭,佢先後喺16個國家舉辦過個人演唱會1000幾場。截至2005年年頭,佢嘅專輯CD 銷量已過1000萬張。另外,Vitas以規模空前嘅巡迴演出著稱。 2004年至2006年間,佢嘅主題巡迴演唱會「我母親的歌」遍及俄羅斯 、美國 、加拿大 、澳大利亞 、德國 、哈薩克斯坦 、以色列 和波羅的海 諸國。
除演唱事業之外,佢嘅一啲舉動重好令人關注。舉動包括:
2002年,喺世界聯盟委員會「無毒品智力」組織嘅私人邀請下,佢同佢製作人謝爾蓋·普多夫金加入咗該組織嘅管理委員會,並成為該組織嘅名譽會員。該組織嘅會員重包括所有俄羅斯嘅教長,現世達賴喇嘛丹增嘉措 ,Koffey Annan,Tina Turner同20幾個國家嘅總理 。喺Tashtar-Ata 聖山腳下嘅淨化儀式上,Vitas被授予有三億五千萬年歷史嘅「世界石」。傳說中,呢舊石頭吸收咗全世界人類有史以嚟所有嘅好事。 2002年9月29號,Vitas喺克里姆林宮嘅舞台上舉辦佢嘅時裝設計發布會「秋天的夢」。呢次表演包含咗42套女士服裝,其中有啲已經喺阿拉木圖 ,維爾紐斯 ,柏林 ,塔什干 ,特拉維夫 ,阿詩克隆展出。依家普多夫金先生正同西方嘅公司就推廣Vitas品牌,安排服裝生產線嘅事項進行談判。 2002年12月,Vitas 出演由杜索娃夫人嘅小說《被愛的惡棍》改編的電視系列劇。佢飾演嘅角色係個由省城來到首都嘅藝術家,以佢獨一無二嘅嗓音同歌聲喺流行舞台上引起轟動。佢為呢部片嘅音樂創作咗2首歌。拍攝期間呢個系列劇嘅製作人就向謝爾蓋·普多夫金提出延長合同到下個系列嘅拍攝。 2003年春,根據Rogeur Vitraque 嘅舞台劇改編嘅話劇《維克多,力量中的孩子》喺馬雅可夫斯基 大劇院舉行首演,Vitas出演主角—一個9歲嘅男仔。 2003年1月,Vitas參加6號至11號喺德里 舉辦嘅印度電影節。喺電影節嘅活動入面,佢舉行咗一場個人表演,重參加咗開幕式。 2008年7月,喺《百年圓夢——迎2008北京奧運會文藝晚會》,慶祝北京奧運倒數10日嘅晚會上唱《家建好了》。 2012年7月,參與《北京祝福妳 奧運夢想盛典》 2013年5月10號,Vitas帶妻女喺莫斯科一展覽中心遊玩時,喺停車場同一女子發生車禍糾紛。Vitas因炎熱、身體唔舒服而入車吹冷氣休息,女子將腳踏車靠喺Vitas座車前,佢座車跟住壓壞女子腳踏車輪,女子話佢喺佢打開Vitas冇關嘅車門後被佢用仿真手槍威脅(目擊者表示係細路嘅玩具槍)。10位警察按住Vitas嘅頭並將佢壓制、反手銬住站了3個幾鐘,引嚟群眾圍觀拍攝。呢件事幾轟動,Vitas影片都喺網路流傳。8月26號,俄羅斯莫斯科 奧斯坦基諾區法院 認定佢「襲警」(試圖用腳踢警察)罪名成立,其餘包括死亡威脅等官司皆因證據唔夠而作廢,對佢罰10萬盧布 。 軼事
啱啱出道嘅時侯,Vitas衣着風格華麗、中性。演唱《歌劇2》時,樂團 成員都會著上中世紀 歌德式長袍,同頭帶黑色面紗,舞臺風格另類。佢甚至喺一次演出入面,一邊單手抓住鞦韆 懸掛喺空中,一邊演唱。
2003年,Vitas嘅阿媽突然離世,自此風格變嗮,2張紀念阿媽嘅專輯《媽媽》同《我母親的歌》入面,表現漸趨成熟、穩重,衣著造型亦改以西裝 為主。
除咗歌聲,Vitas俊秀臉孔、招牌眼神同微笑加上迷樣神秘感,被認為「如鬼魅一般」、「如受到詛咒般誘人」,重有「鬼魅王子」稱號。
Vitas向來好少接受訪問,據講係經紀人普多夫金嘅指示,以防公眾將焦點集中喺佢私生活而唔喺音樂上。雖然Vitas好少接觸媒體,但一啲曾同佢接觸嘅人話,佢私底下好健談同開朗,唔食煙,但鐘意飲一啲酒 。對於佢係閹伶 嘅講法,呢啲人都反對,因為Vitas日常嘅舉止、聲音都同尋常男性無異。
Vitas曾經透露自己係已故流行音樂之王麥可·傑克森嘅粉絲 ,所以喺多數演唱會當中都會模仿佢嘅太空步、高速轉圈等舞蹈。
作品
單曲 Опера №2 (Opera#2 歌劇2),2001年(單曲專輯) Good-bye (Good-bye 再見),2001年(單曲專輯) 音樂MV 《歌劇2》、《歌劇1》、《俄羅斯岸邊》、《聖徒》、《微笑吧》、《星星》、《媽媽》、《鶴之泣》
專輯 Философия чуда (Philosophy of Miracle 奇蹟的哲學),2001年 Улыбнись (Smile! 微笑吧!),2002年 Мама (Mama 媽媽),2003年 Песни моей мамы (The Songs of My Mother 我母親的歌),2003年 Поцелуй длиною в Вечность (A Kiss As Long As Eternity 永恆之吻),2004年 Возвращение домой (Return Home 回家),2006年 Криком журавлиным, Возвращение домой II (Return Home 回家2,鶴唳),2007年 Скажи, что ты любишь (Say You Love 說你愛),2009年 Шедевры трех веков (Masterpieces of Three Centuries 3世紀的名著),2010年 Романсы (Romances 浪漫),2011年 Мама и Сын (Mommy and Son 媽媽與兒子),2011年 Только ты. История моей любви, Часть 1 (Only You. My Love Story, Part I 只有你 我的愛情故事 Part1) ,2013年 Я подарю тебе весь мир. История моей любви, Часть 2 (I'll Give You the Whole World. My Love Story, Part II 我會給你全世界 我的愛情故事 Part2) ,2014年 合輯 Vitas The Best 維塔斯首度訪台紀念專輯,2007年(台灣 發行) 歷程
佢喺1979年2月19號喺拉脫維亞 嘅陶格夫皮爾斯出世(阿爺阿爾卡吉·達維多維奇·瑪拉茨曼係Vitas最早嘅音樂啟蒙人,喺佢嘅影響下,Vitas開始學習手風琴)。 1984年全家搬去烏克蘭 ,並喺敖德薩嘅一個藝術學校學習手風琴,喺個度佢一直呆到咗遇見改變佢命運嘅人——謝爾蓋·普達夫金,睇咗佢嘅業餘表演後,立刻被佢嘅能力所折服,將佢帶返莫斯科,從那裡,他開始了自己神話般的音樂生涯。 2000年12月以佢處男作《歌劇2》首次喺俄羅斯 嘅舞台上唱,該演出震撼咗當時所有嘅俄羅斯歌壇,從此一砲而紅,《歌劇2》係佢嘅成名曲。 2001年至2004年間,發行5張CD專輯:「哲學的思考」、「微笑吧!」、「媽媽」、「我母親的歌」同「永恆的吻」。 根據官方統計數據,佢銷售量攞到2001年至2004年嘅最佳銷售頭3名。 發行2張單曲專輯:「歌劇2」同「再見」。 根據官方統計的銷售量,單曲專輯「歌劇2」喺2001年至2003年間,因締創咗年度最佳單曲銷售而攞俄羅斯「唱片獎」(該獎項由唱片業製造商所設立)。 根據「共青團真理報」同「論壇2001」所舉辦嘅網際網路票選活動,攞到年度最佳音樂探索獎。 攞音樂節「年度歌曲2000」、「年度歌曲2001」同「年度歌曲2002」嘅桂冠3連霸。 2001年以「歌劇2」,及2002年之「微笑吧!」分別榮獲「人民金唱機」之桂冠。 2001年至2003年間在流行樂壇因其最佳造型而連攞3次「指揮台」音樂獎。 2001年至2003年間連續榮獲各年度「人民金曲」獎。 其作品「歌劇2」、「微笑吧!」和「星星」分別是當年點播率最高的歌曲。 於2001年及2003年分別榮獲「金曲百分百」獎(該獎項由「金曲FM」廣播電台所設立)。 根據2002年「喝彩」國家音樂獎之評判結果,被評「年度最佳獨唱歌手」。 根據俄羅斯AFISHA.COM 網站嘅調查,喺2004年同2005年間公認為所有俄羅斯歌手入面喺俄羅斯聯邦、烏克蘭、哈薩克斯坦、白俄羅斯、波羅的海諸國同以色列舉辦過最多演唱會嘅歌手。 2002年3月29號,喺克里姆林宮舉辦咗首次售票個人演唱會,佢創咗喺克里姆林宮舉行個人音樂會嘅藝術家入面,年齡最細嘅一位。 2002年9月29號,喺克里姆林宮舉辦咗佢嘅服裝發表會:「秋天的夢」。 受動人名曲「Caruso -卡羅素」嘅作曲家Lucio Dalla 嘅邀請,佢喺一場在克里姆林宮叫「San Remo in Moscow 」嘅音樂會上同呢位名曲作者Lucio Dalla 一齊合唱呢首歌。佢嘅歌聲感動咗現場觀眾,都征服咗Lucio Dalla 本人。Dalla先生所以請佢去羅馬參加傳統歌劇現代版《托斯卡 》嘅排演。 2003年11月,喺莫斯科嘅「Russia 音樂廳」舉行咗佢第2次嘅個人演唱會:「我母親的歌」。佢嘅2張CD專輯「我母親的歌」同「媽媽」都同一時間出。 其中「我母親的歌」專輯係老歌新唱,精選咗傳統俄羅斯流行金曲。 另一張「媽媽」專輯就收錄咗佢創作嘅新歌。 2004年至2006年間,舉行「我母親的歌」嘅空前巡迴演唱會,佢演出遍及俄羅斯、美國、加拿大、澳大利亞、德國、哈薩克斯坦、以色列同波羅的海諸國。2004年間,佢巡迴表演咗250幾場「我母親的歌」演唱會。 從2004年至2005年間,佢成為咗俄羅斯最受歡迎嘅巡迴演出歌手,佢嘅「我母親的歌」演唱會被叫做「年度最佳音樂盛事」。 佢嘅CD專輯「永恆之吻」喺2004年10月8號發行,喺俄羅斯同獨聯體攞到空前嘅銷售量記錄:唔到6個月過200萬張嘅CD賣嗮。佢所有嘅CD銷售量到依家總數已過1000萬張。 Vitas喺2006年6月受中國中央電視台 嘅邀請,到北京參與「俄羅斯年在中國」之盛會。佢喺中國大陸中央電視台為「俄羅斯年在中國」所製作嘅特別節目單元中表演咗2首歌曲:《星星》同《歌劇2》。 Vitas嘅最新個人演唱會「Return Home -回家」喺2007年3月克里姆林宮舉行首演。大約20多首Vitas 嘅新作品將喺該演唱會入面呈獻畀觀眾。 其中有一小部份新作如「鶴唳」、「俄羅斯岸邊」、「我祈求諸聖」、「小王子」、「我呢喃著你的名字」等歌曲皆已先透過網路流傳而廣受歌迷們嘅鐘意。 Vitas喺2007年6月15號至24號,喺台灣 同中國大陸 嘅北京 、上海 、重慶 、成都 、廣州 舉辦巡迴演唱會。 Vitas喺2008年1月25號至2月2號,喺台灣嘅台中 、台南 、高雄 、台北 舉辦《Return Home》巡迴演唱會。 Vitas喺2008年5月21號至5月24號,喺中國大陸嘅北京 、上海 、深圳 、成都 、廣州 舉辦《王者歸來》巡迴演唱會。 Vitas喺2009年上映嘅電影《花木蘭 》入面做特別演出,飾演一名柔然 歌者。 Vitas喺2011年至2012年電影《一夜成名》入面同黃聖依紅黑配演出。 Vitas參與在中華人民共和國貴州2012皇后駕到的演出 2014年春天,參與了成季嘅大型模仿秀 《Точь в точь》,傑出模仿14位令人印象深刻嘅人物:Ю.Шатунова, Н.Гнатюка, Земфиры, С.Павлиашвили, В.Сюткина, А.Миронова, С.Шнурова, М.Галкина, А.Вертинского, Э.Хиля, М.Каллас, Глюкозы, Г.Сукачева, Псай. 各種形象演出影片可睇:http://vitas.com.ru/en/videoarchive/show-exact-copy 2014年9月23號首次喺瑞士日內瓦舉辦個人演唱會。 2014年10月17號,Vitas出席中華人民共和國湖南長沙梅西湖文化藝術周,演唱歌曲《星星》、《幸福鳥》、《歌劇2》。 2015年3月8號喺Краснодар舉辦個人演唱會並成為喺Краснодар星光大道上嘅一顆星。 2015年7月,由Vitas本人作詞作曲演唱嘅第七元素喺美國爆紅,美國熱門節目The Soup主持人7月1號喺臉書上傳2001年某次演出影片後, 短短3日有300萬嘅點閱率, 重喺第29號達到千萬人次。 2015年10月至12月喺中國大陸舉辦《愛的故事--維塔斯2015中國巡迴演唱會》, 總計喺20個城市巡迴演唱,包括北京、武漢、青島、上海、寧波、舟山、廈門、溫州、重慶、成都、威海、鄭州、瀋陽、南寧、合肥、杭州、南京、無錫、廣州、深圳。 驚人事蹟
Vitas喺2010年某次演唱會唱《搖籃曲》時將佢個女帶上臺。隔年,Vitas喺某次演唱會將佢老婆帶上臺同佢一齊唱《幸福鳥》。 2012年1月中,Vitas首次接受俄羅斯電視台嘅專訪,並喺採訪入面將自己多年嚟嘅身世完整咁透漏出嚟。
參考
出面網頁
This article uses material from the Wikipedia 粵語 article 維塔斯 , which is released under the Creative Commons Attribution-ShareAlike 3.0 license ("CC BY-SA 3.0") ; additional terms may apply (view authors ). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.