Wolfersdiek
Wolfersdiek (Wolphaartsdijk) is 'n durp helegen ant Veerse Meer in Zeêland.
't Mik deêl uut van de hemeênte Hoes en vlakbie lig 't kleine durpje 't Ouweland. Wolfersdiek a in 2004 2190 inweuners. Tot an 1970 was't een eihe gemeênte, dirnae ist bie Hoes gevoegd.
Op Wolfersdiek zien een tennis-, taefeltennis- , paerdrie- en voetbalvereênihe te vin'n. Der zien twi school'n, naemelijk:
- 't Samenspel (openbaer/christelijk)
- de Calvijn-schole (hriffurmeêrd)
Een aore vereênihieng is nog de waetersportvereênihieng, een vereênihieng van 850 leden die a beschik over 422 ligplekk'n an 't Veerse Meer. Ok zien der ienkele campiengs tehen 't Veerse Meer an.
Ok stit der de meul'n De Hoop, een koôr'n- en stelliengmeul'n uut 1808. Ok was Wolfersdiek toet 1970 een eihen hemeênte, winae a 't et overhoeng in de hemeênte Hoes. In 't behun van de 19e êêuw bin Wolfersdiek en 't kleine eiland Oóst-Beveland mie Zuud-Beveland verbonden en toen behon 't eiland te lieken op wat 't noe is.
De postcode van 't durp is 4470-4471. Wolfersdiek eit as 'n vòmaeleg eiland 'n eel eigen dialect binne 't Zuud-Bevelands.
De naeme van 't durp
Nae de overstroming in d'n veêrtiende eêuwe wier 't durp Oosterland genoemd. Joan Blaeu noemt 't in 1665 nog steêds zò in zien Atlas Maior. In d'n atlas van Willem Tiberius Hattinga uut 1753 en in de Hemeênte-Atlas van Zeeland uut 1867 wier de plaets angeduud mee Oostkerke. Zelfs in de jaeren vuuftig was de naeme van 't durp Oostkerke mee tussen 'aekjes Wolfersdijk. Vee toerist'n- en autokaert'n hadden 't allenig over Oostkerke, wat zurgde veu vee verwarring. Op 19 september 1960 besloot de hemeênteraed van Wolfersdiek dat 't durp Oostkerke veurtaen Wolphaartsdijk most gaen heten, wan d'n ouwe benaeming wier biena nie meêr hebruukt. Vanaf 1960 gieng 't durp de naeme van 't vòmaelehe eiland en de hemeênte annem'n.
Gebore
- Laurens Boone (1860-1935), predikant
- Marinus Nijsse (28 oktober 1904), schriever
Zie ok
- Zandkreek (Veêrboot). Dit was de veerboot, die a van Kortjeen nae Wolfersdiek vaerde.
- Engel Reinhoudt. Geboren in Wolfersdiek.
 | Kiek vò meêr plaetjes over dit onderwerp in de categorie Wolfersdiek van Wiki Commons. |
| Gemeênte Goes |  |
|---|---|
| Steden: Goes |
This article uses material from the Wikipedia Zeêuws article Wolfersdiek, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Zeêuws (DUHOCTRUNGQUOC.VN) is an independent company and has no affiliation with Wiki Foundation.