Goes, ok wè Hoes, (Nederlands: Goes) is 'n stad en gemeênte in Zeêland, op 't eiland Zuud-Beveland.
Buten de stad Hoes bestaet de gemeênte nog uut de durpen Èndewehe, Sraskerke, Sreinskinders, Kattendieke, Kloetehe, Oud-Sabbehe, 't Wulleminadurp en Wolfersdiek. De gemeênte ao in 2023 onheveer 39.000 inweuners, daer-an de meêste van in Stad weune (onheveer 30.000). Goes ei ok een zusterstad, Panevėžys in Litouw'n. Goes stit bekend as Ganzestad. In 't waepen van de stad komt ok een ganze voo.
| ||||
Indeling | ||||
Land | Nederland | |||
Provincie | Zeêland | |||
Waeterschap | Scheldestroômen | |||
Streêk(en) | Zuud-Beveland | |||
Oôdplekke | Goes | |||
Statistiek | ||||
Oppervlakte | 101,92 km² | |||
- land | 92,48 km² | |||
- waeter | 9,44 km² | |||
Inweuners | 39.433 | |||
Daotum | 1 jannewari 2023 | |||
Bevolkiengsdichteid | 426 inw./km² (land) | |||
Geografische liggieng | ||||
Hoôgte | -1,8 – +1,6 m | |||
Ontstaen | 10e eêuwe, 1405 (stadsrechten) | |||
Belangrieke verkeersaders | A58, N254, N256, N289 | |||
Netnummer | 0113 | |||
Postcodes | 4458-4481 | |||
Bestuur | ||||
Collegepartijen | PvdA-GL, Nieuw Goes, SGP-CU, Partij voor Goes | |||
- zeêtels | 15 | |||
Burhemeêster | Cees van den Bos | |||
- partij | SGP | |||
Overige | ||||
Bienaem | Hanzehat | |||
Streektaele(n) | Zuud-Bevelands | |||
Steêband | Panevėžys (Litouwen) | |||
Gemeêntelike website | www.goes.nl |
Goes is 'n belangriek verzurgiengscentrum vò Zuud-Beveland en ok wè vo eêl Zeêland. Zoô is der Emergis gevestegd, de instellieng vò geêstelike gezondeidszurge, en staet der ok 'n psychiatrisch ziekenuus. De zendmaste zendt de landelike Nederlandse zenders uut. Goes eit 'n station an de lijn Vlissienge-Rozendael. Voe vee bedrieven is Goes antrekkeliker as Middelburg of Vlissienge, om-at 't vanuut de Randstad sneller te berieken is. Blikvanger van Goes is de televisiezendmaste in Goes-Noord en de Maria-Magdalenakerke in 't centrum. Groôste kerke is echter de Sionkerke an de Louise de Collignylaen. Bekend bin ok de tiejewaetermeule 't Soepuus en de waetertoren, de 'oôgsten van Nederland.
Het wienkelcentrum van Goes is het groôste van Zeêland.
Goes oor vò 't eêrst vermolde in 976 as Curtagosum, wat-a vo "korte Gos" moe stae; gos is ierbie 'n waeternaem, de naem van de kreêke daer 't durpje an lag. Daenae ontwikkelt 't z'n eige lanksaem tot 'n plekke van betekenisse, en in 1420 kriegt 't stadsrechten.
Van Goes is 't volgende spotlie'ie bekend:
Nae een groôte stadsbrand rond 1550 word de stad vrie snel 'erbouwd. Uut deze tied komt ok het 'uus van Karel V. Van de tweê wereldoôrlogen ei Goes nie vee mee gekregen. Tiejens de Eerste Wereldoorlog raekten 7 bommen Goes en Kloetehen; dit gebeurende bie ongelok deu een Iengels vliegtuug. In Kloetehen vielen 3 bommen, de schae viel mee. In Goes wier een 'uus aan de Magdalenastraete kapot gemikt, d'r kwam ok iemand bie om. Tiejens de Tweêde Wereldoorlog 'eit Goes nie vee gemerkt van het oorlogsgeweld dat toch vlak bie pleas vong (Slag om de Sloedam).
Nae de oôrlog wor Goes uut'ebreid mee verschie weunwieken. In 1976 gebeurd d'r een groôte ramp bie Goes, zie 't artîkel: Treinramp bie Goes.
Goes liet an de A58, wa voo de bereikbaorheid vanuut wes'en (Vlissienge en Middelburg) en oôs'en (Berrehe op Zoom en Roosendaal) zurgt. Vanuut het noor'n (Zurrikzeê en Rotterdam) is Goes bereikbaar via de N256. Goes ao een stasjon an de Zeeuwse lijn.
Kaertbeêld van de stad Goes in 2017:
De gemeênteraod sins 1990:
Partij | 2022 | 2018 | 2014 | 2010 | 2006 | 2002 | 1998 | 1994 | 1990 |
---|---|---|---|---|---|---|---|---|---|
PvdA-GL | 5 | ||||||||
PvdA | 2 | 2 | 5 | 7 | 5 | 5 | 5 | 6 | |
GL | 2 | 1 | 2 | 3 | 3 | 3 | 2 | 2 | |
Nieuw Goes (NG) | 4 | 3 | |||||||
CDA | 4 | 5 | 7 | 6 | 6 | 7 | 5 | 6 | 7 |
VVD | 4 | 4 | 3 | 5 | 4 | 4 | 4 | 4 | 3 |
SGP-CU ¹ | 4 | 4 | 4 | 3 | 4 | 4 | 4 | 3 | 3 |
Partij voor Goes (PvG) | 2 | 2 | 2 | ||||||
D66 | 2 | 2 | 3 | 2 | 1 | 2 | 2 | 3 | 2 |
SP | 1 | 3 | 2 | ||||||
Totaol | 25 | 25 | 25 | 25 | 25 | 25 | 23 | 23 | 23 |
Opkomst | 52,0% | 58,2% | 58,1% | 56,0% | 57,2% | 54,0% | 56,0% | 63,4% | 60,4% |
¹ 1990-1998: CU = GPV + RPF
Ambtsperiode | Naem burgemeêster | Partij of stroôming | Biezonderheên |
---|---|---|---|
1831 - 1843 | Jan Hendrik Verschoor, heer van Nisse | ||
1844 - 1852 | J.C. van der Meer Mohr | ||
1852 - 1879 | M.P. Blaaubeen | ||
1879 - 1897 | J.G. de Witt Hamer | ||
1897 - 1902 | Jean Philippe Wesselink | ||
1902 - 1911 | J.E. de Koning Kooy | ||
1911 - 1918 | J.B. de Beaufort | ||
1918 - 1934 | G.A. Hajenius | ||
1934 - 1940 | R.M. van Dusseldorp | CHU | |
1940 - 1941 | Warner Cornelis ten Kate | CHU | |
1941 - 1944 | Cornelis Egbert Petrus Lenshoek | NSB | |
1944 - 1945 | Anthonie de Roo | Vrie'eidsbond | waernemend |
1945 - 1946 | Willem Cornelis Sandberg | waernemend | |
1946 - 1958 | Warner Cornelis ten Kate | CHU | overliejd |
1958 - 1961 | Hans Karel Michaëlis | CHU | |
1960 - 1961 | Jan Willem Noteboom | ARP | waernemend |
1962 - 1981 | Ferry Huber | CHU / CDA | |
1981 - 1986 | Pim Blanken | CDA | |
1989 - 1992 | Taco Seinstra | CDA | ontslagen |
1992 - 1992 | Mans Flik | PvdA | waernemend |
1993 - 2010 | Dick van der Zaag | CDA | |
2010 - 2017 | René Verhulst | CDA | |
2017 - 2018 | Herman Klitsie | PvdA | waernemend |
2018 - 2023 | Margo Mulder | PvdA | |
2023 - 2024 | Marcel Fränzel | D66 | waernemend |
2024 - noe | Cees van den Bos | SGP |
Gemeênte Goes | |
---|---|
Steden: Goes |
Provincie Zeêland (Nederland) |
---|
Gemeênten Waeterschappen Streêken Provincies |
This article uses material from the Wikipedia Zeêuws article Goes, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Zeêuws (DUHOCTRUNGQUOC.VN) is an independent company and has no affiliation with Wiki Foundation.