Wesvore (Nederlands: Westvoorne) is 'n voormaelige gemeênte in de Nederlandse provincie Zuud-'Olland, op 't eiland/de waerde Svore-Putten, mee onheveer 15.000 inweuners in 2022 en 'n oppervlakte van 97,48 km² (daervan 44,33 km² water).
Binne de voormaelige gemeênte laegen de durpen Rekanje, Svore en De Tinte. 't Raeduus stond in Rekanje. Wesvore is in 2023 opgegaen in de nieuwe gemeênte Vore an Zeê.
De voormaelige gemeênte was in 1980 onstae uut 'n fusie van de ouwe gemeênten Svore en Rekanje. De naem is 'n bitje verwaarend, want vroeger was Westvoorne de naem van Goeree en Oôstvoorne de naem van wat-an me noe Svore/Voorne noeme.
In Wesvore, in elk geval in Svore ne De Tinte oort vanouds 'n Zeêuws dialekt gepraot, 't Svores. Deu d'n immigratiedruk en 't cultureel overwicht van Rotterdam sterft dit dialekt langzaeman uut.
Sins 2006 was Peter de Jong (PvdA) burgemeêster.
De gemeênteraed van Wesvore bestond uut vuuftien zeêtels. Hieronger stoot de saemenstellieng van de gemeênteraed vanof 1998:
Zetelverdelieng | ||||||
---|---|---|---|---|---|---|
Partij | 2018 | 2014 | 2010 | 2006 | 2002 | 1998 |
Partij Westvoorne | 3 | 5 | 5 | |||
VVD | 3 | 3 | 3 | 4 | 4 | 5 |
Inwonersbelang Westvoorne | 3 | |||||
Gemeentebelangen Westvoorne | 2 | 4 | 2 | 4 | 4 | 3 |
CDA | 2 | 1 | 2 | 2 | 3 | 2 |
PvdA | 1 | 1 | 2 | 4 | 3 | 4 |
D66 | 1 | 1 | 1 | 1 | 1 | 1 |
Totael | 15 | 15 | 15 | 15 | 15 | 15 |
Opkomst | 58% | 60% | 61% | 66% | 62% | 64% |
This article uses material from the Wikipedia Zeêuws article Wesvore, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Zeêuws (DUHOCTRUNGQUOC.VN) is an independent company and has no affiliation with Wiki Foundation.