8°15′41″E / 47.0341903°N 8.2614744°E / 47.0341903; 8.2614744
די לוצערנער ישיבה איז געגרינדעט געווארן אין אנהייב תשי"ב דורך הרב משה סאלאווייטשיק.
רבי משה סאלאווייטשיק האט געגרינדעט די ישיבה אין לוגאנא, שווייץ אין תשי"ב. אין אייר תשי"ב האט די ישיבה זיך געצויגן קיין לוצערן. די ערשטע געביידע פון דער ישיבה איז געווען דער בראמבערג שלאס. ווען הרב סאלאווייטשיק איז אוועק פון דער ישיבה צו וואוינען אין ציריך, האט מען געברעגנט רבי יצחק דוב קאפלמאן פון קאפעלן צו ווערן ראש ישיבה.
אין טבת תשכ"ח האט מען געעפנט די נייע געביידע פון דער ישיבה אין קרינס, לוצערן.
במשך די יארן האבן געלערנט אין דער ישיבה קרוב צו 5000 תלמידים.
אין אלול תשע״ה האט זיך דער ראש ישיבה רבי משה קאפלמאן אפגעטיילט פון דער ישיבה און האט מיטגענומען מיט זיך אסאך תלמידים פון דער ישיבה. ער האט געעפנט א נייע ישיבה אין קענווי אינזל, ענגלאנד.
הרב נפתלי שטערנבוך איז נתמנה געווארן ראש ישיבה אויף זיין פלאץ בתמיכת הרב ישראל דוד שלעזינגער א תלמיד מובהק פונעם ראש ישיבה רבי יצחק דוב קאפלמאן זצוק״ל. אבער אויפן ווינטער זמן תשע״ו האט דער משגיח הרב מיכאל מאסבאכער געמאלדן פאר די בחורים אז די ישיבה וועט זיך פארשפארן צוליב גאר שווערע חובות, צום גרויסן שאק פון אירע הונדערטער תלמידים.
This article uses material from the Wikipedia ייִדיש article לוצערנער ישיבה, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.