באיאן יצחק פרידמאן

דער דריטער זון פון סאדיגורער רבי'ן. באקאנט מיטן נאמען דער פחד יצחק, האט געדינט אלס דער ערשטער באיאנער רבי.

יצחק פרידמאן

געבורט	1850 סאדיגורא, עסטרייך אונגארישע אימפעריע
טויט	11 מערץ 1917 (אלט 67 בערך) וויען, עסטרייך אונגארישע אימפעריע
פאך	רב, אדמו"ר
אַמט	אדמו"ר

רבי יצחק איז געבוירן אין דעם צווייטן טאג ראש השנה, ב' תשרי ה'תר"י, צו זיין פאטער הרב אברהם יעקב פרידמאן פון סאדיגורא, א זון פון הרב ישראל פרידמאן פון רוזשין, א זון פון הרב שלום שכנא, פון פראהבישטש, א זון פון הרב אברהם המלאך, דער חסד לאברהם, א זון פון הרב דוב בער, דער מעזריטשער מגיד. און צו זיין מוטער מרת מרים, א טאכטער פון הרב אהרן פערלאוו, דער בית אהרן, א זון פון הרב אשר פערלאוו פון קארלין-סטאלין.

אין יאר ה'תרמ"ג נאך די פטירה פון זיין פאטער, האט רבי יצחק אנגעהויבן צו פראוון זיין רביסטעווע אין סאדיגורא צוזאמען מיט זיין ברודער רבי ישראל, חשוון ה'תרמ"ז האט רבי יצחק זיך אוועק געצויגן קיין באיאן, דארט האט ער געגרינדערט דעם ביאינער חסידות, וואו טויזענטער חסידים האבן זיך באהאפטן צו אים.

ביי די ערשטע וועלט קריג איז רבי יצחק אנטלאפן קיין וויען אין איז דארט נפטר געווארן י"ז אדר ה'תרע"ז, און ער ליגט אין וויען.

רבי יצחק האט געהייראט ט"ו סיון ה'תרכ"ה, מרת מלכה א טאכטער פון הרב יוחנן טווערסקי, פון רחמיסטריווקא ( - ט"ז טבת ה'תרפ"א). זייערע קינדער:

• הרב מנחם נחום פרידמאן (כ"א כסלו ה'תרכ"ט - י"ט מנחם אב ה'תרצ"ט), פון באיאן און טשערנאוויץ.

• הרב ישראל פרידמאן (כ"ד אלול ה'תרל"ח - ל' מנחם אב ה'תשי"א), פון לייפציג.

• הרב אברהם יעקב פרידמאן הי"ד (כ"ד ניסן ה'תרמ"ד - ב' אלול ה'תש"ב), פון לעמבערג.

• הרב מרדכי שלמה פרידמאן (י"ג תשרי ה'תשנ"א - ה' אדר ה'תשל"א), באיאנער רבי פון ניו יארק.

• מרת מרים ( - ח' ניסן ה'תשט"ז), די ווייב פון הרב דוב בער פרידמאן (ה'תרמ"ב - כ"ד אלול ה'תרצ"ו), פון טשארטקאוו.

• הילדה חוה ( - ב' אדר א' ה'תרמ"ט).

• הילדה שרה ( - כ"ט אדר א' ה'תרמ"ט).

• רוזשין (הויף)
• סאדיגורא (הויף)

• אנציקלופדיה לחכמי גליציה, מאיר וונדר
• נר ישראל ח"ו בערכו (27)