יהודה עדס: ספרדישער ראש ישיבה

ער איז אמאל געווען א מיטגליד אין דער מועצת גדולי התורה פון דגל התורה און אין דעם נשיאות פון ועד הישיבות.

יהודה עדס

געבורט	19 מאי 1937 (אלט 86) ט' סיון ה'תרצ"ז ירושלים, בריטישער מאנדאט
מדינה	ישראל
לערנארט	פאנאוועזשער ישיבה
באלאנג	ספרדישע חרדים, מועצת גדולי התורה
חיבורים	בירור הלכה-בן כרך, ביאור הלכה - ראות עוף, שעורי שביעית, שעורי סוכה, שעורי חנוכה, פרזים ומוקפים, שערי יהודה
בת זוג	רחל בלה עדס (למשפחת כהן)
פאטער	יעקב עדס

ער איז געבוירן געווארן אין ירושלים, אין א רבנישער משפחה וואס שטאמט פון חאלאב, סיריע. זיין פאטער, הרב יעקב חי ציון עדס, איז געווען ראש ישיבה פון פורת יוסף, א מיטגליד פון דעם בית דין הגדול און א מיטגליד אין דעם הויפט-ראבינאט ראט און מחבר פון שו"ת חדוות יעקב. זיין מוטער אסתר חיה איז געווען א טאכטער פון הרב עזרא הררי רפול. ער האט געלערנט אין דעם מגן דוד תלמוד תורה, אין קול תורה אין ירושלים ביי הרב שלמה זלמן אויערבאך, און אין דער ישיבת פוניבז' וואו ער איז געווארן נאנט מיט די ראשי ישיבה און האט געלערנט עטלעכע יאר בחברותא מיטן ראש ישיבה הרב שמואל ראזאווסקי.

ער האט געהייראט ביילא-רחל, טאכטער פון הרב דוב כהן, ערשטער רב פונעם לופטפלאט,‏ און זהבה (ראקאווער).

די קינדער פון הרב עדס זענען:

• דער מקובל רבי יעקב עדס, מחבר פון דברי יעקב און נאך ספרים.
• רבי אברהם חיים עדס, מחבר פון שערי חיים.
• מאירה לוי, מחבר פון "אני ערב לו".

זיינע שוואגערס זענען:

• רבי עקיבא כהן - רב פון דער קול יעקב ישיבה.
• רבי יהושע איסטנבאָלי - מחבר פון ספר "נחלת יהושע" וועגן בשר בחלב.
• הרב משה ברכה.
• הרב יצחק גרינוואלד - דירעקטאָר פון דער ישיבה, מיט הרב יואל עדס און הרב יהודה הראל.