רבי בן־ציון האלבערשטאם היד (י' אייר ה'תשא) איז געווען דער צווייטער באבאווער רב.
געבורט | 1874 בוקאווסק, פוילן |
---|---|
טויט | 28 יולי 1941 (אלט 67 בערך) לעמבערג |
פאך | רב |
אַמט | אדמו"ר |
רבי בן-ציון איז געבוירן אין בוקאווסק י' אייר ה'תרל"ד, צו זיין פאטער הרב שלמה האלבערשטאם, שפעטער רב אין באבוב, א זון פון רבי מאיר נתן האלבערשטאם, א זון פון הרב חיים האלבערשטאם, דער דברי חיים. און צו זיין מוטער מרת רבקה הענא א טאכטער פון הרב יהושע ראזענפעלד, רב אין קאמינקא, א זון פון הרב שלום ראזענפעלד, רב אין קאמינקא.
רבי בן-ציון איז געווען דער יונגער רב אין ווישניצא נאך ביים פאטער'ס לעבן. אין יאר ה'תרס"ה נאך זיין פאטער'ס פטירה, האט רבי בן-ציון איבערגענומען זיין פאטער'ס ארט אין באבאוו. ער האט שטארק אנטוויקעלט די ישיבה אין ווישניצא. ביי דעם ערשטן וועלט קריג איז רבי בן-ציון אנטלאפן קיין פישטיאן, וויען, און מארינבאד. אין יאר ה'תרע"ט איז ער צוריק געקומן קיין קראקע, דארט האט ער געעפענט די ערשטע עץ חיים ישיבה.אין יאר ה'תרפ"א איז ער אריבער מיט זיין ישיבה קיין באבאוו, פון דארט האט זיך זיין ישיבה שטארק פארצווייגט, ביז דעם צווייטן וועלט קריג האט ער געהאט אומגעפער פופציג ישיבות אין גאליציע. אין יאר ה'תרצ"ב איז רבי בן-ציון אריבער קיין טשעבין.
רבי בן-ציון איז אומגעקומען אויף קידוש השם ד' מנחם אב ה'תש"א, הי"ד.
רבי בן-ציון האט געהייראט בזיווג ראשון מרת תרצה, א טאכטער פון הרב נפתלי הורוויץ פון מעליץ.
אין יאר ה'תרנ"ט האט רבי בן-ציון געהייראט בזיווג שני מרת חיה פראדיל א טאכטער פון הרב שלום אליעזר האלבערשטאם. זי איז נפטר געווארן ט"ז אדר ה'תשל"ד. זייערע קינדער:
פֿריערדיגער: רבי שלמה האלבערשטאם | אדמור"י באבאוו תרס"ה - תש"א "בנין ציון" | נאָכפֿאלגער: רבי שלמה האלבערשטאם |
This article uses material from the Wikipedia ייִדיש article בן-ציון האלבערשטאם, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.