Ta aghteyr ny cloieder (as ben-aghteyr as ben-chloieder son mraane keayrtyn) çheet er peiagh ta jannoo tuarystal jeh karacteyr ayns cloie.
Ta'n aghteyr cloie bio ayns mean tradishoonagh y theater ny ayns meanyn noa-emshiragh lheid as scannaneyn, er y radio, as er y çhellveeish. She ὑποκριτής (hupokritḗs) yn enmys Greagish, ta çheet er "ny ta freggyrt". Ta soilshaghey yn aghteyr er paart - ellyn yn aghteyrys - bentyn rish as croghey er y phaart ta cloiet, gyn scansh dy vel eh bunnit er peiagh jarroo ny er karacteyr far-skeealagh. Ta'n soilshaghey taghyrtyn eer tra ta'n aghteyr "cloie adsyn hene".
Son cloie er yn ardan, lhisagh aghteyryn stiuraghyn ardan ta ry-gheddyn 'sy script y ynsaghey, lheid as "Ardan Clee" as "Ardan Yesh". Ta ny stiuraghyn shen bunnit er geill yn aghteyr as eh ny ee shassoo er yn ardan jeeaghyn magh er y lught fakinagh. Lhisagh aghteyryn ynsaghey ny stiuraghyn "Heose yn Ardan" (voish y lught fakinagh) as "Heese yn Ardan" (jeeaghyn hug y lught fakinagh). Lhisagh aghteyryn theater ynsaghey yn glackey - aght gleashaght yn aghteyr as eh er yn ardan car cloie. Ta'n chooid smoo jeh scriptyn cur sheese er y ghlackey ta eignit. Ta'n stiureyder cur saraghyn bentyn rish y ghlackey, lheid as goll tessen yn ardan.
Lhisagh aghteyryn scannane ynsaghey ve ainjyssagh rish shamraigyn kiart nyn meealloo. Lhisagh ad ynsaghey kys nyn gowraghyn y gheddyn as tannaght ayn. She soiaghey er y laare ta cowrit liorish rybban er y chooid smoo. She yn ynnyd raad ta ny soilshaghyn as focys y çhamraig ny s'fondagh. Lhisagh aghteyryn scannane aarlaghey adsyn hene as cloie dy mie er scaa-heishtyn.
Lhisagh aghteyryn çhellveeish ynsaghey kys meegrafoynyn lav (meegrafoynyn Lavaliere) y ymmydey. Lhisagh ad toiggal smooinaght y "chlowan". "Ta'n enmys clowan çheet er yn ard ta sooillag y çhamraig recortyssey." Çheusthie jeh'n çhynskyl cloie, ta kiare sorçhyn dy phaartyn çhellveeish. She kinjagh y straih y chied horçh - ny preeu-aghteyryn 'sy chlaare myr ayrnyn jeh'n wirran beayn. Ta aghteyryn aafilleydagh gobbraghey fo conaant as ad cloie ayns ymmodee episodeyn. She paart beg nagh vel ry-akin agh ayns un episode eh yn co-roltag. Ta paart ny smoo ec y roltag chuirreydagh na myr t'ec y cho-roltag as, dy mennick, ta focys yn episode jeerit er ny urree.
She cloie accoustagh dramadagh eh drama radio t'er ny scaalheaney er y radio ny er ny hoilshaghey er meanyn eaishtagh, lheid as rybbanyn ny JC. Kindagh rish dolley rinkyn reayrtagh, ta'n drama radio croghey er y chohaggloo, er y chiaull, as er clugeyn sheean son dy chur cooney da'n eaishteyder ny karacteyryn as y skeeal y yannoo bio.
She bun ta'n art shoh. Cur rish, son foays y yannoo da Wiki. |
This article uses material from the Wikipedia Gaelg article Aghteyr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.