נאכדעם וואס יודל האט דא געמאכט א חורבן האט דשעי נעט אפגעשפארט וויקיפעדיע אויף אלע זייערע פילטער'ס.
בשעתו האט זיך אפגעטאן דא וויכוחים וועגן דעם ענין, ס'זענען געווען יחודים מיט יודל בראש (אפשר זענען אלע געווען ניק'ס פון דעם זעלבן וד"ל), וואס האבן גע'טענה'ט אז וויקיפעדיע איז א פרייע זאך ממילא דארף מען האבן אלע שמוציגע ארטיקלען. פון די אנדערע זייט זענען געווען רוב ניק'ס ביי דעם מיינונג אז שמוץ וועט פארטרייבן אלע נארמאלע שרייבער.
די וויכוח איז געגאנגען אויף הויעכע טענער, און יעדער האט זיך געהאלטן ביי זיינס. למעשה שטעלט זיך ארויס אז פון דעם אמאליגען ציבור איז געבליבן איין איינציגער "רוני". און למעשה זענען היינט פארהאן נאר 2 אקטיווע ניקס, רוני און פולישער.
אפשר איז צייט איינצוזען אז די וואס האבן געשריבן און געליינט אונזער וויקי זענען טאקע אלע (כמעט אלע) פרומע און ס'איז צייט אויסצורייניגן אונזער וויקי כדי דשעי נעט זאל דאס צוריק קענען עפענען?
מאכט דעם חשבון אויב דשעי נעט עפענט צוריק, וועט אונזער וויקי צובאקומען צענדליגע אדער אפילו איבער 100 שרייבער.-- די באמערקונג איז געשריבן פון באניצער 75.222.77.110 וואס האט פארגעסן אונטערשרייבן.
מאכן דער וויקיפעדיע פרום וועט לכאורה צוברענגען צו איר פארשפארונג. אבער נאר ארויסראמען סעקס וועט גארניט שאטן. ►רוני◄ 03:16, 13 מײַ 2008 (UTC)
מאכן אזא אריינפיר בלאט מיינט אז יעדע בלאט וואס איז נישט לויט די פארשריפטן פון דשעי נעט וועט געברויכן א ספעציעלע "יו אר על" וואס דאס איז כמעט אומ-מעגליך און ס'קען נעמען חדשים און יארן. איך האב יעצט גערעדט מיט דשעי נעט, זיי זענען מסכים צוריק צו עפענען אונזער סייט מיט 3 תנאים,
1 מען זאל אויסמעקן אלע שמוץ ארטיקלען (מער פריות'דיג מיינט דאס אויסמעקן די ארטיקלן וואס יודל האט געשריבן).
2 די סיסאפס זאלן זיין וואַך און נאכקוקן עדיט'ס צו מאכן זיכער אז קיינער לייג נישט אריין קיין נייע שמוץ.
3 אלע זאכן וואס זענען נוגע חסידישע פאליטיק און ס'הערשט א ערענסטע עדי"ט קריג, זאל האבן עפעס אזוי ווי א מוסטער וואס זאל אונדייטן אז די דיעות רעפלעקטירן נישט די מציאות, נאר דאס זענען די דיעות פון דעם יחיד וואס שרייבט דאס, און סיסאפס זאלן פארשליסן בלעטער אויב די קריג איז צי גרויס. (לכאורה ווילן זיי 3# ווייל בעלי בתים רעדן זיך אפ אז ארבייטער שפילן זיך צו פיל).
ביטע גיבט אפ אייער שטימע. -- די באמערקונג איז געשריבן פון באניצער 75.221.125.150 וואס האט פארגעסן אונטערשרייבן.
בײַ די ארטיקלען וואו דער מוסטער שטייט שוין 7 טעג און קיינער האט זיך נישט דערקעגנט, איז פשט דער קהל שטיצט אויסמעקן. --פוילישער 21:59, 18 מײַ 2008 (UTC)
מיין מיינונג: איך האלט נישט אז מיר דארפן מאכן עפעס ענדערונגען כדי דזשעי נעט זאל אונז אננעמען, דזשעי נעט איז נישט צופרידן פון אונז, זיי וועלן קיינמאהל נישט אהנעמען די געזעצען פון דער וויקי, דזשעי נעט איז פאר פרומע עהרליכע אידן וואס ווילן נישט לייענען גארנישט וועגן די פרייע וועלט, ספעציעל וועגען אויסגעלאסענע בילדער וואס איז היינט איבאראל, אויב בייגט מען זיך פאר דזשעי נעט דאן איז נישט דא קיין פרייע וויקי, אבער וויקי אבער דזעי נעט.
די עצה אז דער אידישע וויקי זאל ווערן מער, און מער שרייבער זאלן איינטאייל נעמען איז נישט מען זאל זיך בייגן פאר די פרומע, ווייל די פרומע זענען קעגן פרייהייט, די עצה איז בעסער צו אדווערטייזען דעם אידישע וויקי.--יודישער שרייבער 23:30, 27 יולי 2008 (UTC)
1 | 2 |
3 | 4אידישקייט קעגן די פרינצים פון פריי און אפען וויאזוי איז דאס פריי פון צענזור און אויסגעהאלטן לויט אידישקייט? דער הויפט געדאנק פון די וויקיפעדיע איז צו בויען א פרייע אפענע ענציקלאפעדיע וואס יעדער איינער קען דארט שרייבן אמת'ע אינפארמאציע אָן קיין צענזור. דער געדאנק (און בעצם דאס גאנצער אינטערנעט) איז לויט טייל בעלי דעות דירעקטליך א צוזאמעשטויס און פראבלעם לויט די פרומע געמיינדע, (וואס זיי זיינען רוב אידיש-רעדנערס) און דערפאר קומט דא ארויף אפט דער נושא און פראבלעם איבער דעם צו באגרעניצן די וויקיפעדיע עפ"י דעת התורה און נישט איר לאזן זיין פריי פאר יעדן צו שרייבן אפילו רעכטע אינפארמאציע וואס שטימט נישט עפ"י התורה. אבער וויבאלד אלעס מוז ווערן געשריבן נייטראל, קומט דאך אויס אז מיר שרייבן דא סיי ווי סיי נישט קיין כפירה אין אידישקייט, פארקערט, רוב פון אונזערע ארטיקלען זענען ארום אין איבער אידישקייט. אבער פון דעסטוועגן, צום ביישפיל, ביי די פילאזאפישע ארטיקלען וואס זיינען עוסק אין "קיום האל" מוזן מיר און מעגן לאזן ארויפבריינגען די דעות פון די כופרים, כדי דאס נייטראליש אפשלאגן למען האמת. אדער ווען מיר רעדן וועגן "נאטור וויסנשאפט" מוזען מיר בריינגען פארשונגען פון די סייענטיסטען, כאטש וואס דאס קען זיין אין קעגנזעץ די תורה. אין די רגע וואס מען שרייבט "לויט די פארשערס" ווערט די ארטיקל נייטראליש, און מיר מעקן דאס נישט אויס, לויט די גרונדענע געזעצן פון וויקימעדיע וואס עס איז נישטא אויף זיי די געזעץ פון וואלן, ליינט מער דא. און עס איז פארט נישט קעגן הלכה און דירעקט יא אויסגעהאלטן צו באשרייבן די פראגע'ס אויף די אמונה וואס מענטשן קענען האבן מיטן חשבון דאס צו פארענטפערן בבחינת ודע מה שתשיב לאפיקורס שלך. צו סאך אינפארמאציע קען אייביג זיין א זעלבסט מארד כלי פאר מענטשען וואס ווילן זיך הארגענען אדער נאר פאר קינדער און שוואכע אינגעלייט. מען וועט דאס קיינמאל נישט קענען געהעריג שליכטן דעם פראבלעם. מען לערנט דאך נישט אין חדר מיט קינדער געוויסע רש"י'ס טאקע דערפאר, אבער קיינעם איז נאך נישט איינגעפאלן דערוועגן צו פארברענען רש"י, און זאגן אז דאס איז נישט תורה. פארשטייט זיך אז מיר פארלאזן זיך אז די סארט שוואכע חסידים אדער קינדער וואס האבן פארט דעם פראבעלם פארלאזן זיך סיי ווי סיי אויף די רבנים וואס אסערן סיי ווי אינטערנעט ממילא קומט נישט אויס אז וויקיפעדיע איז קעגן קיינעםס אידישקייט הלכה. ארטיקלען וואס פארטוהען זיך מיט סעקס און נאך אומאיידעלע ענינים טוען מיר ווי די תורה מיר שרייבן פונקטליך וויאזוי און וואס צו זיך באגיין כדי אפהיטן פון טעותים וואס קען זיין טויטליך אויף די וועלט און אויף יענע וועלט |
דאס איז קאפירט פון די גרונד פרונציפען פונעם וויקיפעידע אויף אידיש, איז מיין שאלה צו די אלע וואס ווילן צוזאמעם שטעלן אז דער וויקי זאל ארבעטען צוזאמען אויף דזשעי נעט, וועלן די בעלי בתים פון דזשעי נעט איינגען אויף די ווערטער, און אויב נישט, ווען מען זיך קריגן אויף יעדער ארטיקעל צו איז עס אויסגעהאלטן לויט דזשעי נעט און לויט די חסידים אדער נישט. דעריבער פארשטיי איך נישט ווי קומט דאס צוזאמען מיט דשעי נעט.--יודישער שרייבער 18:34, 13 אױגוסט 2008 (UTC)
This article uses material from the Wikipedia ייִדיש article אויגוסט ארכיוו 2008, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.