יוסף שמידט (יז אדר
געבורט | 4 מערץ 1904 אוקראינע |
---|---|
טויט | 16 נאוועמבער 1942 (אלט 38) שווייץ |
מדינה | עסטרייך אונגארישע אימפעריע, רומעניע |
josephschmidt-archiv | |
ער איז געווען פליסיג אין די פאלגנדע שפראכן: דייטש, יודיש, ראמעהניש, פראנצויזיש און ענגליש.
יוסף שמידט איז געבוירן אין יאר תרס"ד אין דאווידעני, בוקאווינא, צו זיין פאטער ר' וואלף, א פארמער.
ער האט צוערשט געדינט אלס חזן אין טשערנאוויץ, אבער דערנאך האט ער געדארפט איינרוקן אינעם רומענישן מיליטער.
ער האט געהאט א פראבלעם צו טרעפן א געהעריגן חזנות פאסטן, צוליב זיין גאר נידעריגן וואוקס. דעריבער פלעגט ער ארומפארן האלטן קאנצערטן, און דערביי באצויבערן דעם עולם מיט זיין גרויסער שטימע.
אין יאהר תרפ"ו האט ער איינגערוקט אין ראמענישן מיליטער וואו ער האט געדינט אלס פויקער אין ראדוץ.
אין תרפ"ט האט ער געהאלטן קאנצערטן אין אמסטערדאם און אאנטווערפן, און ער האט אויפגענומען דעם אמט פון חזן אין דער עדת ישראל שול אין בערלין.
אין תרצ"ד האט ער באזוכט אין ארץ ישראל, און אין תרצ"ה האט ער באזוכט אין פוילן וואו ער האט אויך באזוכט ביי אסאך בארימטע חסידישע רבי'ס.
אין ה'תרצ"ט האט ער זיך באזעצט אין בריסל. ווען די נאציס האבן איינגענומען בעלגיע האט ער געוואלט פארן אין אמעריקע, אבער ער האט פארפאסט די לעצטע שיף ווייל איינער האט צוגענומען זיין פלאץ.
ענדליך אין יאר תש"ג האט ער באוויזן אריבערצוגיין די גרעניץ אין דער שווייץ, אבער צו זיין שלעכט מזל האט מען אים צוריק דערפארטירט קיין פראנקרייך.
א חודש דערנאך האט ער ווידער געשווערצט די גרעניץ, און אריין אין א פליטים לאגער. אבער דארט האט ער באקומען א לונגען אנטצינדונג און געשטארבן אין ז' כסליו תש"ג אין יונגען עלטער פון אכט און דרייסיג יאר. ער ליגט אין דעם פריזנבערג בית עולם אין ציריך.
דער קעפל אויף זיין מציבה לייענט זיך א שטערן פאַלט (אין דייטש).
דער חזן משה שטערן האט אסאך נאכגעזינגען פון זיינע שטיקלעך.
ער איז געווען א תלמיד פון החזן דוד משה שטיינבערג און זינגט בעיקר זיינע קאמפאזיציעס.
This article uses material from the Wikipedia ייִדיש article יוסף שמידט, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.