ארום דער וועלט אין אכציג טעג (פראנצויזיש: Le tour du monde en quatre-vingts jours) איז א קלאסישער ראמאן געשריבן דורכן פראנצויזישן שרייבער זשול ווערן און איז ערשינען אין יאר 1873.
דאס בוך איז איבערגעזעצט געווארן אין צענדליגער שפראכן, און עטליכע פילמען זענען ערשינען צו פארצייכענען די געשיכטע.
די מעשה גייט ווי א ענגלישער דזשענטלמאן מיטן נאמען פילעאס פאג טוט זיך וועטן מיט זיינע קאלעגעס אינעם רעפארם קלאב אויף א גרויסער סומע געלט אז ער וועט ארומרייזן די גאנצע וועלט אין בלויז קנאפע אכציג טעג. דאס בוך גייט מיט אלע שוועריגקייטן וואס הער פאג מאכט מיט צוזאמען מיט זיין באדינער, דער פראנצויזישער פאספארטו.
ווען זיי זענען אויפן וועג דורך אינדיע, האלטן זיי מיט ווי מ'פירט דורך א פרוי צום פארברענען לעבעדיגערהייט צוליב די רעליגיעזע סאטי צערעמאניע, און זיי ראטעווען איהר.
עס פאלגט זיי אויך נאך א ענגלישער דעטעקטיוו מיסטער פיקס, וועלכער פארדעכטיגט הער פאנג אלס באנק רויבער.
הער פאנג ווערט אויפגעהאלטן מיט זיין ארעסט אין ליווערפול ביז פיקס איז מברר אז מ'האט שוין לאנג געכאפט דעם עכטן רויבער.
ער קומט דעריבער אהן קיין לאנדאן מיט פינעף און צוואנציג מינוט שפעט. אבער למעשה ווערט ער שפעטער געוואויר אז עס איז נאך מיט א טאג פריהער, ווייל ער האט גערייזט קעגן די זון ממילא האט ער פארדינט א טאג.
עס אנטהאלט 37 קאפיטלען אין 302 זייטן.
די יודישע אויסגאבע אנטהאלט 36 קאפיטלען אין א סך הכל 446 זייטן.
This article uses material from the Wikipedia ייִדיש article ארום די וועלט אין אכציג טעג, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.