პესცენიუს ნიგერი
გაიუს პესცენიუს ნიგერი (ლათ.
დოხოლაფირო 135 — ღ. 194) — რომიშ იმპერიაშ უზურპატორი ხუთი იმპერატორიშ წანაშ პერიოდის, 193-194 წანეფს.
| პესცენიუს ნიგერი ლათ. Pescennius Niger | ||
.jpg) | ||
 რომიშ იმპერიაშ უზურპატორი | ||
|---|---|---|
| პოსტის გერინაშ ბორჯი | ||
| 9 პირელი, 193 წანა – მესი, 194 წანა | ||
| წიმოხონი | დიდიუს იულიანუსი | |
| მონძე | სეპტიმიუს სევერუსი | |
| დუნაბადი | დოხოლაფირო 135/140 | |
| ნაღურა | 194 (53-59 წანერი) | |
| მუმა | ანიუს ფუსკუსი | |
| ნანა | ლამპრიდია | |
პესცენიუს ნიგერიქ ოურდუმე დო პოლიტიკური წჷმოძინას მიოჭირინუ იმპერატორი კომოდუსიშ მართუალაშ ბორჯის. პესცენიუსის უკინებუდჷ ადმინისტრაციული პოსტი ეგვიპტეს, უკულ მონაწილენდჷ ოურდუმე კამპანიეფს დაკიას. 180-იან წანეფს ნინალენდჷ კონსულო. 191 წანას გიშაგორილქ იჸუ სირიაშ ლეგატო. კომოდუსიშ იმპერატორობაშ ეკონია პერიოდის, პესცენიუს ნიგერიქ მიპალუ პოპულარობა რომიშ ბჟაეიოლი პროვინციეფს, თაშნეშე რომიშ ურბანული მახორობას.
კომოდუსიშ გეჸვენჯიშ, პერტინაქსიშ ღურაშ უკულ, იმპერატორიშ პოსტი აუქციონს ქიჸიდუ დინდარი სენატორქ დიდიუს იულიანუსიქ. 193 წანაშ აფუნს რომიშ აზიური პროვინციეფიშ ლეგიონეფქ იმპერატორო გეგმაცხადეს პესცენიუს ნიგერი. მალას სეპტიმიუს სევერუსიქ, ნამუთ იმპერატორობაშ არძაშე უმოსო ნძალიერი დო შანულამი პრეტენდენტი რდჷ, აკოშაყარუ ლეგიონეფი დო ქიდიჭყჷ ლჷმა პესცენიუს ნიგერიშ მეხჷ. 194 წანას, ისოსიშ ლჷმას, სევერუსიშ ლეგიონეფქ ორჯგინეს ნიგერიშ ნძალეფს. პესცენიუს ნიგერიქ ინტუ, მარა ოჭოფეს დო დუდი მეკვათეს. დოჸვილეს თაშნეშე, ნიგერიშ ალმასქუ დო სქუალეფი. თიში ქონებას კონფისკაცია გუკეთეს.
ლიტერატურა
 | თე სტატია რომიშ ისტორიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |
This article uses material from the Wikipedia მარგალური (Margaluri) article პესცენიუს ნიგერი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.